​პრეზიდენტმა ევროკავშირის წევრი ქვეყნების ჟურნალისტებს უმასპინძლა

ოთხშაბათი, 27 ივნისი, 2018 - 23:43

საქართველოს პრეზიდენტმა სასახლეში ევროკავშირის წევრი ქვეყნების 20-მდე ჟურნალისტს უმასპინძლა და მათთვის საინტერესო კითხვებს უპასუხა.

გიორგი მარგველაშვილმა ჟურნალისტებთან ნატოს სამიტისათვის მზადების საკითხსა და აშშ- ს კონგრესში წარდგენილ საქართველოს მხარდაჭერის აქტზე ისაუბრა და მადლობა გადაუხადა კონგრესმენებს ამ დოკუმენტისათვის, რომლის მიღების საკითხიც აშშ-ი ვიზიტისას დააყენა. ჟურნალისტები დაინტერესდნენ როგორც ქვეყნის შიგნით მიმდინარე პროცესებით, ასევე საქართველოს როლით საერთაშორისო და რეგიონული მნიშვნელობის პროცესებში. საუბარი შეეხო საერთაშორისო უსაფრთხოების თემებს, გაძლიერებული რუსული პროპაგანდასთან ბრძოლის მეთოდებსა და საქართველოს ევროკავშირსა და ნატოში გაწევრიანების საკითხებს.

ჟურნალისტები დაინტერესდნენ ასევე საქართველოს პრეზიდენტის მოსაზრებით - რუსული აგრესიის გამომწვევ მიზეზად შეიძლება თუ არა განიხილებოდეს საქართველო ნატოსკენ სწრაფვა. სასაუბრო საკითხებს შორის აღმოჩნდა ბალტიის ქვეყნებისა და საქართველოს თანამშრომლობა, ევროსტრუქტურებში გაწევრიანების მიმართულებით გამოცდილების გაზიარების თვალსაზრისით.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.67
  • 3.03
  • 3.42
  • 0.04
  • 0.5
  • 1.58