მოვუწოდებ უკრაინის ხელისუფლებას არ ითამაშოს პუტინის თამაში და არ დაუშვას ქვეყანაში ოპონენტების პოლიტიკური ნიშნით დევნა - თამარ კეკენაძე

შაბათი, 09 დეკემბერი, 2017 - 15:33

,მიუხედავად იმისა, თუ როგორ ვაფასებთ პრეზიდენტ სააკაშვილის წარსულ პოლიტიკურ საქმიანობას საქართველოში, ფაქტია, რომ დღეს მის მიმართ უკრაინაში პოლიტიკური ნიშნით დევნის ყველა ფაქტი გვაქვს, - ასე აფასებს პარტია ,,თავისუფალი დემოკრატების“ გენერალური მდივანი თამარ კეკენაძე პრეზიდენტ სააკაშვილის დაკავების ფაქტს უკრაინაში.

მისივე განმარტებით უკრაინის ხელისუფების მეტი დაფიქრება მართებს საკუთარი ქმედებებისა და გადადგმული ნაბიჯების კუთხით:

"იმედი მინდა დავიტოვო, რომ უკრაინის ხელისუფლება იფიქრებს პირველ რიგში საკუთარი მოსახლეობის მომავალზე, არ გასცდება სამართლებრივ ჩარჩოებს, რადგან ქვეყანას, რომელსაც პოლიტიკური პატიმრები ჰყავს ევროპული მომავალი არ გააჩნია. ბუნებრივია, რომ ყველას გვაწუხებს, რაც დღეს უკრაინაში ხდება. საქართველოს ევროატლანტიკური მომავალი მჭიდროდ არის დაკავშირებული უკრაინის დემოკრატიულ განვითარებასთან და ევროპულ პერსპექტივასთან. რა თქმა უნდა, ჩვენ ვერ და არ უნდა ჩავერიოთ უკრაინის შიდა საქმეში, თუმცა სწორედ, როგორც გულშემატკივარი და მეგობარი მოვუწოდებ უკრაინის ხელისუფლებას, არ ითამაშოს პუტინის თამაში და არ დაუშვას ქვეყანაში ოპონენტების პოლიტიკური ნიშნით დევნა“, - აცხადებს თამარ კეკენაძე.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.71
  • 3.11
  • 3.52
  • 0.04
  • 0.47
  • 1.6