დიპკორპუსის ყოფილი და მოქმედი წევრები ზურაბ ჭიაბერაშვილს თავდებში უდგებიან

ოთხშაბათი, 22 მაისი, 2013 - 17:17

საქართველოს დიპლომატიური კორპუსის ყოფილი და მოქმედი წევრები კახეთის გუბერნატორს ზურაბ ჭიაბერაშვილს თავდებში უდგებიან. შესაბამის განცხადებას საპარლამენტო უმცირესობის წევრი გიორგი კანდელაკი facebook-ის საკუთარ გვერდზე ავრცელებს.

"საქართველოს დიპლომატიური კორპუსის ყოფილი და მოქმედი წევრები, შეშფოთებას გამოვთქვავთ ჩვენი ყოფილი კოლეგის, ბატონი ზურაბ ჭიაბერაშვილის დაკავების ფაქტის გამო. იმედს გამოვთქვავთ, რომ სამართლიანი და ობიექტური გამოძიება და სასამართლო უმოკლეს ვადაში დაადგენს სიმართლეს. გვჯერა რა, რომ ზურაბ ჭიაბერაშვილი ითანამშრომლებს გამოძიებასთან, თავდებში ვუდგებით ჩვენს ყოფილ კოლეგას და თხოვნით მივმართავთ შესაბამის ორგანოებს, არ შეუფარდონ ზურაბ ჭიაბერაშვილს თავისუფლების აღკვეთის ზომა. აქვე ვსარგებლობთ შემთხვევით და ჩვენს მხარდაჭერას ვუცხადებთ ბატონი ზურაბის ოჯახს", - აღნიშნულია განცხადებაში.

განცხადებას, გრიგოლ ვაშაძე, ეკა ტყეშელაშვილი, ნინო ნაკაშიძე, მამუკა ჟღენტი, სალომე სამადაშვილი, ალექსანდრე ლომაია, გეგა მგალობლიშვილი, მამუკა კუდავა, ზურაბ კაჭკაჭიშვილი, კონსტანტინე გაბაშვილი, სერგი კაპანაძე, თემურ იაკობაშვილი, მამუკა გამყრელიძე, პაატა გაფრინდაშვილი, ნინო კალანდაძე, ნიკოლოზ ნათბილაძე, ნიკოლოზ ვაშაკიძე, ლევან დუჩიძე აწერენ ხელს.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.67
  • 3.03
  • 3.42
  • 0.04
  • 0.5
  • 1.58