ლევან იზორიამ საერთაშორისო კონფერენციაში „საქართველოს ევროპული გზა“ მონაწილეობა მიიღო

პარასკევი, 15 ივნისი, 2018 - 11:54

საქართველოს თავდაცვის მინისტრის მოვალეობის შემსრულებელმა ბათუმში, მე-15 საერთაშორისო კონფერენციაში - „საქართველოს ევროპული გზა“ - მიიღო მონაწილეობა.

ლევან იზორია ერთ-ერთ მომხსენებლად წარსდგა სესიაზე - „რეგიონული უსაფრთხოების არქიტექტურა - გაძლიერებული პარტნიორობა და თანამშრომლობა“. პანელს მოდერატორი იყო ევროპის პოლიტიკის ანალიზის ცენტრის მკვლევარი ბრაიან უათმორი.

გაყინულ კონფლიქტები, აღმოსავლეთ პარტნიორობის ქვეყნების წინაშე არსებული გამოწვევები, ევროპის უსაფრთხოების არქიტექტურა, ევროკავშირის და საქართველოს საერთო გამოწვევები, მოუგვარებელი კონფლიქტები და საქართველო, ევროპის გლობალური უსაფრთხოების სტრატეგია და არსებული შესაძლებლობები - ეს იმ საკითხების ჩამონათვალია, რომლის შესახებაც სესიის მონაწილეებმა იმსჯელეს.

ლევან იზორიასთან ერთად სესიაზე მომხსენებლებად პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი, რუსეთის, ცენტრალური აზიისა და ეუთოს საკითხებში ევროპის საგარეო ქმედებათა სამსახურის დირექტორი ლუკ დევინი და მარშალის ფონდის ვარშავის ოფისის დირექტორი მაიქლ ბარანოვსკი წარსდგნენ.

საერთაშორისო კონფერენცია „საქართველოს ევროპული გზა“ წელს მეთხუთმეტედ ტარდება, ამჟამად უკვე საქართველოს საგარეო საქმეთა სამინისტროს ორგანიზებით. კონფერენციაში მონაწილეობას იღებენ საქართველოს, ევროკავშირისა და „აღმოსავლეთ პარტნიორობის“ წევრი ქვეყნების აღმასრულებელი ხელისუფლების წარმომადგენლები, პარლამენტარები, ასევე სამოქალაქო საზოგადოების, აკადემიური წრეების, მედიისა და ბიზნეს სექტორის წარმომადგენლე.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.45
  • 2.85
  • 3.2
  • 0.04
  • 0.51
  • 1.45