ეროვნულ გვარდიას აშშ-ის ევროპული სარდლობის მეთაურის მოადგილე ეწვია

პარასკევი, 18 მაისი, 2018 - 19:57

საქართველოს შეიარაღებული ძალების ეროვნულ გვარდიას აშშ-ის ევროპული სარდლობის დელეგაცია ეწვია. დელეგაციის წევრებს სარდლობის მეთაურის მოადგილის, გენერალ-მაიორ ჯონ გრონსკის ხელმძღვანელობით, ეროვნული გვარდიის უფროსმა, პოლკოვნიკმა ირაკლი ჭუმბურიძემ უმასპინძლა.

შეხვედრას გენერალური შტაბის უფროსის მოადგილე, ბრიგადის გენერალი შალვა ჯაბახიძე დაესწრო.

პოლკოვნიკმა ირაკლი ჭუმბურიძემ სტუმრებს საქართველოს ეროვნულ გვარდიაში განხორციელებულ და მიმდინარე რეფორმებზე ინფორმაცია მიაწოდა და სამომავლო გეგმები გაანცო. საუბრის ერთ-ერთ მთავარ თემას აქტიური რეზერვის საპილოტე პროგრამა წარმოადგენდა.

ამერიკელმა გენერალმა პროექტი დადებითად შეაფასა და მისი მნიშვნელობა ხაზგასმით აღნიშნა.

აშშ-ის ევროპული სარდლობის წარმომადგენლები საქართველოში თავდაცვის მზადყოფნის პროგრამის (GDRP) დაწყებასთან დაკავშირებით იმყოფებიან.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.58
  • 2.93
  • 3.28
  • 0.04
  • 0.42
  • 1.52