პოლიცია მოქმედებდა თანაზომიერების პრინციპის შესაბამისად და იყო ჰუმანურობის მაღალი სტანდარტი გამოვლენილი ამ ოპერაციის დროს - ირაკლი კობახიძე

პარასკევი, 18 მაისი, 2018 - 22:46

შინაგან საქმეთა მინისტრის პარლამენტში გამოსვლა სხდომის დასასრულს, პარლამენტის თავმჯდომარემ ირაკლი კობახიძემ შეაფასა და მადლობა გადაუხადა..

,,უსაფრთხოების მაღალი დონე არის ჩვენი ქვეყნის ერთ-ერთი უმთავრესი მიღწევა, რაც დადასტურებულია საერთაშორისო ორგანიზაციების შეფასებით და ამ მიღწევას ესაჭიროება არა მხოლოდ შენარჩუნება, არამედ შემდგომი განმტკიცებაც. დღეს ჩვენ მოვისმინეთ ძალიან საინტერესო და ძალიან გულწრფელი მოხსენება შინაგან საქმეთა მინისტრისგან და ასევე მოვისმინეთ ცვლილებების მკაფიო ხედვა, რომელიც ვფიქრობ უზრუნველყოფს შინაგან საქმეთა სამინისტროს ეფექტიანობის ამაღლებას, ასევე საზოგადოებრივი უსაფრთხოების ხარისხის და კრიმინოგენური ვითარების გაუმჯობესებას და ამ ხედვისთვის  მე მინდა მადლობა გადავუხადო ბატონ გიორგის", - განაცხადა პარლამენტს თავმჯდომარემ..

ირაკლი კობახიძემ 12 მაისის საპოლიციო ღონისძიებებიც შეაფასა, მისი თქმით, ამ ოპერაციას ჰქონდა ლეგიტიმური მიზანი და ჩარევა იყო ასევე პროპორციული.

,,ეს რწმენა მე დღეს გამიმყარა იმ მოხსენებამ და განსაკუთრებით კითხვა-პასუხმა, რომელიც მოვისმინე დღევანდელ სხდომაზე. იყო არა ერთი ინფორმაცია, დეტალები მოწოდებული სპეცოპერაციაზე და სწორედ ეს ყველაფერი მეტყველებს მიზნის ლეგიტიმურობაზე და ასევე ჩარევის პროპორციულობაზე. აქ საუბრობდნენ კოლეგები და ის ფაქტები არც ერთი თუნდაც სხეულის მსუბუქი დაზიანება, არც ერთის საჩივარი ომბუდსმენთან, ასევე გენერალურ ინსპექციაში მეტყველებს იმაზე, რომ პოლიცია მოქმედებდა თანაზომიერების პრინციპის შესაბამისად და იყო ჰუმანურობის მაღალი სტანდარტი გამოვლენილი ამ ოპერაციის დროს", - განაცხადა ირაკლი კობახიძემ.

რაც შეხება აქციებს და აქციებთან მიმართებით შინაგან საქმეთა სამინისტროს რეაგირებას. ირაკლი კომახიძე რაციონალურ და ჰუმანურ მიდგომად აფასებს.

"ამ დღეების განმავლობაში გამოვლინდა, რომ საზოგადოებრივი უსაფრთხოების დაცვა გამოხატვის თავისუფლების უზრუნველყოფა შესაძლებელია თურმე რაციონალური და ჰუმანური მიდგომით, სისასტიკისა და ადამიანების მიმართ არაჰუმანური მიდგომის გარეშე. ჩვენ გვახსოვს აბსოლუტურად განსხვავებული პრაქტიკა 2012 წლამდე, როდესაც ხელისუფლება სისასტიკეს, არაჰუმანურ მიდგომას უპირისპირებდა გამოხატვის, შეკრების თავისუფლებას, ეს ყველაფერი ჩაბარდა წარსულს 2012 წელს და ამის საუკეთესო გამოხატულება იყო პოლიციის მიდგომა, რომელიც ჩვენ ვიხილეთ ამ დღეების განმავლობაში. საბოლოო ჯამში, ამ აქციებთან მიმართებით პოლიციამ იმოქმედა ზედმიწევნით კარგად და ამის ძალიან კარგი ინდიკატორი გარდა სხვა ინდიკატორებისა იყო, იმედგაცრუებული ოპონენტები, რომელიც ჩვენ ვიხილეთ ერთ-ერთი ტელევიზიის ეთერში, ოპოზიციის წარმომადგენლები, ბატონი ნიკა გვარამიას სახე, მისი გაფითრებული სახე არ დაგვავიწყდება ჩვენ, როდესაც მშვიდობიანად დასრულდა ეს მოვლენები თბილისში. მე მინდა ვისარგებლო შემთხვევით და მადლობა გადავუხადო შინაგან საქმეთა სამინისტროს თითოეულ თანამშრომელს, თითოეულ პოლიციელს იმისთვის რომ ისინი პატრიოტული სულისკვეთებით, პროფესიონალურად ემსახურებიან თავის საქმეს, ჩვენს ქვეყანას. პოლიციელის პრესტიჟისა და ღირსების დაცვა არის ჩვენთვის განსაკუთრებული პრიორიტეტი და ამ საქმეში საქართველოს პარლამენტი როგორც ინსტიტუტი, ბუნებრივია თავის მაქსიმალურ წვლილს შეიტანს. მე მინდა პირადად ვიცე პრემიერს, შინაგან საქმეთა მინისტრს ბატონ გიორგი გახარიას გადავუხადო მადლობა, ძალიან დამაჯერებელი მოხსენებისთვის, კითხვა პასუხისთვის, მართალი მოხსენებისთვის . მე დღეს გამიმყარდა იმის რწმენა, რომ შინაგან საქმეთა სამინისტრო არის საიმედო ხელში, ის რეფორმები რომელიც უნდა განხორციელდეს სამინისტროში, არის საიმედო ხელში და ამისათვის უღრმესი მადლობა კიდევ ერთხელ ბატონ გიორგი გახარიას. ‘’- განაცხადა პარლამენტის თავმჯდომარემ.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.45
  • 2.87
  • 3.24
  • 0.04
  • 0.51
  • 1.44