„ფლეიბოის“ დამფუძნებელმა უჩვეულო ანდერძი დატოვა - მემკვიდრეებმა ნარკოტესტები უნდა გაიარონ

ხუთშაბათი, 21 დეკემბერი, 2017 - 23:28

ჟურნალ „ფლეიბოის“ დამფუძნებელმა ჰიუ ჰეფნერმა გარდაცვალებამდე, უჩვეულო ანდერძი დატოვა - მისი 43 მილიონი  მხოლოდ იმ მემკვიდრეებზე განაწილდება, რომლებიც  ნარკოტიკების სკანდალებში არ იქნებიან გარეულები და არ მოიხმარდნენ მას.

ანდერძის განმკარგავს შეუძლია გაფრთხილების გარეშე, განმეორებით მოითხოვოს მემკვიდრეებისგან ნარკოტესტების ჩატარება,  ხოლო აკრძალული ნივთიერების გამოყენების ფაქტის დადასტურების შემთხვევაში, მემკვიდრეობის უფლებამოსილება წყდება.

 ჰეფნერის ქონება მის შვილებზე გაიყოფა, მას  სამი ვაჟი - კუპერი, დევიდი და მარსტონი, ასევე  ქალიშვილი  კრისტი ჰყავს.  ჰეფნერის ბოლო მეუღლე, 31 წლის კრისტალ ჰარისი ანდერძში მოხსენიებული არ არის.

ფლეიბოის  დამფუძნებლმა ქონების ნაწილი სამხრეთ კალიფორნიის უნივერსიტეტსა და რამდენიმე საქველმოქმედო ორგანიზაციას უანდერძა. მან თავისი  ცნობილი სასახლე, სიცოცხლეში, 100 მილიონ დოლარად გაყიდა.

Playboy-ს დამფუნებელი ჰიუ ჰაფნერი 28 სექტემბერს ლოს-ანჯელესში, საკუთარ სახლში, 92 წლის ასაკში გარდაიცვალა. სამედიცინო დასკვნის თანახმად, გარდაცვალების მიზეზი გულის გაჩერება და სუნთქვის უკმარისობა გახდა.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.45
  • 2.85
  • 3.2
  • 0.04
  • 0.51
  • 1.45