ჩემი სიცოცხლე ეკუთვნის უკრაინელ და ქართველ ხალხს - მიხეილ სააკაშვილი მიმართვას ავრცელებს

შაბათი, 09 დეკემბერი, 2017 - 15:09

საქართველოს ექსპრეზიდენტი და "ახალი ძალების მოძრაობის" ლიდერი მიხეილ სააკაშვილი დროებითი მოთავსების იზოლატორიდან მიმართვას ავრცელებს  და უკრაინელებს მოუწოდებს,  ყველა ქუჩაში გავიდეს  და დაგეგმილ მარშში მიიღონ მონაწილეობა. 

"მე, ისევე როგორც თქვენ, არ მეშინია შეშინებული პრეზიდენტის, რომელმაც მაიდნის გამარჯვება მოიპარა და საკუთარ ხალხს უღალატა, რომელიც კონსტიტუციის გარანტიიდან კორუფციის გარანტად იქცა.

არ შემშინებია პუტინის და მით უმეტეს, არ მეშინია წვრილმანი ქურდების ხროვის.

ჩემი სიცოცხლე ეკუთვნის უკრაინელ და ქართველ ხალხს და ბრძოლას კორუფიული სისტემისა და ოლიგარქატის წინააღმდეგ. არ შეგეშინდეთ, ისინი ძალიან სუსტები არიან, ეს თავადაც ესმით და ამიტომაც ეშინიათ ასე ძალიან. ისინი ვერ შემაშინებენ ვერც მე და ვერც თქვენ.

ყველას მოგიწოდებთ, გამოდით ქუჩაში და აჩვენეთ ამ ბანდას, რომ უკრაინის ბატონ-პატრონები ისინი კი არა, უკრაინელი ხალხია.

10 დეკემბერს, 12 საათზე, შევჩენკოს პარკში ყველა თქვენგანი უნდა მოვიდეს", - აცხადებს მიხეილ სააკაშვილი.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.45
  • 2.85
  • 3.2
  • 0.04
  • 0.51
  • 1.45