საჩუქარი ურაპატრიოტებს და ფსევდომორწმუნეებს - ქართველი გეი ამერიკაში ჩოხაში ჩაცმული დაქორწინდა

სამშაბათი, 28 ნოემბერი, 2017 - 22:06

ქართველი ლგბტ აქტივისტი დავით შუბლაძე, რომელიც რამდენიმე წლის წინ ამერიკის შეერთებულ შტატებში გადავიდა  საცხოვრებად, სოციალურ ქსელში თავის იტალიელ პარტნიორთან საქორწილო ცერემონიალის ფოტოებსა და ვიდეოს ავრცელებს.

გეიწყვილს ტრადიციული ქართული ტანსაცმელი - ჩოხა აცვიათ. როგორც. შუბლაძემ On.ge-სთან განაცხადა, ჩოხაში გამოწყობა ქორწილზე პოლიტიკური განაცხადია.

მისივე განმარტებით, ქართველებს წმინდა დამოკიდებულება აქვთ ჩოხის მიმართ და როგორც ქართველმა, ქორწინება ეროვნულ ტანსაცმელში გადაწყვიტა და არავისგან არ სჭირდება ნებართვის აღება.

"ეს ჩემი საჩუქარია ურაპატრიოტებისთვის და ფსევდომორწმუნეებისთვის, რომლებიც, ქრისტეს სახელით, მზად არიან ადამიანები დახოცონ", - აცხადებს დავით შუბლაძე გამოცემასთან და  იმ პრობლემებზე ისაუბრა, რაც საქართველოს იძულებით დატოვების მიზეზი გახდა.

 "საქართველოში იმის აღიარება, რომ გეი  ხარ,  ბევრ პრობლემას გიქმნის... საქართველოში სამჯერ შევიცვალე საცხოვრებელი, სატელევიზიო შოუები თითოეულ ჩემ გამოჩენას, როგორც გეი აქტივისტის, აგრესია მოჰყვებოდა.  მეზობლებში, სამსახურში - ჩემი ცხოვრების ყველა ეტაპზე, სტიგმასთაბ ბრძოლა მიწევდა, სირთულეები   მექმნებოდა მეგობრებთან. ხშირად ვხდებოდი დაცინვისა და დამცირების ობიექტი, მცემდნენ... საქართველოში იყო ლგბტ აქტივისტი, ძალიან რთულია და სპეციალურ მორალურ მზადყოფნას  მოითხოვს", -  ამბობს შუბლაძე.

მისი თქმითვე, აშშ-ში გადასვლამ მისი ცხოვრება რადიკალურად შეცვალა და მოხარულია, რომ ამ ქვეყანაში ორიენტაციის დამალვა არ სჭირდება.

"მე ბედნიერი ვარ ამ ქვეყანაში.  აქ არავის აინტერესებს, ვისთან წევხარ ან სარეცელს ვისთან იყოფ...  აშშ-ში ცხოვრების მთავარი პირობაა იყო ღირსეული ადამიანი და კარგი მოქალაქე, - ამბობს დავით შუბლაძე.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.57
  • 2.92
  • 3.28
  • 0.04
  • 0.37
  • 1.51