აშშ-ის სტრატეგიული ძალების მეთაური პრეზიდენტის ბირთვული ძალის გამოყენების ბრძანებას არ დაემორჩილება

ორშაბათი, 20 ნოემბერი, 2017 - 15:09

 აშშ-ის სტრატეგიული ძალების მეთაური, გენერალი ჯონ ჰაიტენი ამბობს, რომ  აშშ-ს პრეზიდენტის ბირთვული ძალის  გამოყენების "უკანონო"  ბრძანებას არ დაემორჩილება. ჰაიტენმა ეს კომენტარი სენატორების დასმული კითხვის საპასუხოდ გააკეთა, რომლებმაც შეშფოთება  გამოთქვეს, დონალდ ტრამპის შესაძლო უპასუხისმგებლო ბრძანების გაცემის თაობაზე.

თუმცა, ამერიკელი გენერალი იმედს გამოთქვამს, რომ ლეგიტიმური მეთოდებით ამ პრობლემის გადაჭრა შესაძლებელი იქნება და საქმე აქამდე არ მივა.

სენატორთა ნაწილი აცხადებს, რომ აშშ პრეზიდენტს უფლებამოსილება აქვს, ასეთი ბრძანება იურისტებთან დისკუსიისა და  წინასწარი შეთანხმების გარეშე გასცეს, რის გამოც სენატორები ახლა ბირთვული იარაღის ღილაკზე პრეზიდენტის უფლებამოსილების შეჩერების საკითხის განხილვას გეგმავენ, რაც შტატებში ორმოცზე მეტი წლის განმავლობაში არ განხილულა.

აგვისტოში დონალდ ტრამპი ჩრდილოეთ კორეას "ცეცხლსა და მრისხანებას" იმ შემთხვევაში დაპირდა, თუ ისინი ამერიკის მიმართ მუქარას არ შეწყვეტენ.

ოქტომბერში,  სენატის საგარეო ურთიერთობათა კომიტეტის ხელმძღვანელმა, რესპუბლიკელმა სენატორმა ბობ კორკერმა განაცხადა, რომ ტრამპის ქმედებებმა, შესაძლოა, მესამე მსოფლიო ომი გამოიწვიოს.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.58
  • 2.93
  • 3.28
  • 0.04
  • 0.42
  • 1.52