კომუნიკაციების ეროვნული კომისია მხარდაჭერას უცხადებს საზოგადოებრივ მაუწყებელში მიმდინარე რეფორმებს

პარასკევი, 17 ნოემბერი, 2017 - 12:54

საქართველოს კომუნიკაციების ეროვნული კომისია მხარს უჭერს საზოგადოებრივ მაუწყებელში მიმდინარე რეფორმებს, რომლებიც მიმართულია საზოგადოებრივი მაუწყებლის წარმატებულ, რეიტინგულ მაუწყებლად გარდაქმნაზე.

"ბოლო თორმეტი წლის განმავლობაში მაუწყებლის დაბალი ყურებადობის გათვალისწინებით, გამოიკვეთა, რომ აუცილებელია საზოგადოებრივი მაუწყებელი, რომელიც საზოგადოების მიერ ფინანსდება, პასუხობდეს საზოგადოების მოთხოვნებს. შესაბამისად, რეფორმა, რომელიც საუკეთესო ევროპული პრაქტიკის გათვალისწინებით ხორციელდება, ხელს შეუწყობს მაუწყებელს გახდეს ისეთივე წარმატებული, როგორიც საკუთარ ქვეყნებში სხვა ევროპული საზოგადოებრივი მაუწყებლები არიან.

კომისიის მიერ შესწავლილ იქნა „მაუწყებლობის შესახებ“ საქართველოს კანონში საზოგადოებრივი მაუწყებლის მიერ ინიცირებული ცვლილებების პროექტი. აღნიშნული პროექტის განხილვის ფარგლებში კომისიამ სხვა დაინტერესებულ პირებთან ერთად, მონაწილეობა მიიღო საპარლამენტო კომიტეტების სხდომებში. ასევე საკითხის სრულყოფილი შესწავლის, სამართლებრივი გამოცდილების გაზიარების და საუკეთესო პრაქტიკის დეტალურად გაცნობის მიზნით, შესაბამისი კონსულტაციები გაიარა ევროპის სამაუწყებლო კავშირის წარმომადგენლებთან და პარტნიორ ევროპულ მარეგულირებელ ორგანოებთან.

ყოველვე ზემოაღნიშნულის გათვალისწინებით, კომისია ეთანხმება, რომ საზოგადოებრივი მაუწყებლის საქმიანობის ეფექტიანობა მნიშვნელოვნადაა დამოკიდებული ხელმძღვანელი ორგანოების - სამეურვეო საბჭოსა და გენერალური დირექტორის მჭიდრო და ეფექტიან თანამშრომლობაზე, მათი უფლებამოსილებების კანონით სწორედ განსაზღვრაზე. ამასთან, კომისიას მიაჩნია, რომ საზოგადოებრივი მაუწყებლის სრულყოფილად ფუნქციონირებისათვის მნიშვნელოვანია „სახელმწიფო შესყიდვების შესახებ“ საქართველოს კანონი არ გავრცელდეს საზოგადოებრივი მაუწყებლის მიერ იმ ტიპის პროდუქციის შესყიდვაზე, რომელიც ინტელექტუალურ საკუთრებასთან (მხატვრული და დოკუმენტური ფილმები, სერიალი, გასართობი შოუები და ა.შ.) არის დაკავშირებული.

რაც შეეხება კომერციული რეკლამის და სპონსორობის საკითხებს, აღსანიშნავია, რომ ამ პროექტით საზოგადოებრივ მაუწყებელზე კვლავ მთელი რიგი შეზღუდვები მოქმედებს და უფრო ლიმიტირებულია, ვიდრე ის რეგულაციები, რომლებიც შერეულ (საჯარო და კომერციული) დაფინანსებაზე დამოკიდებულ საზოგადოებრივი მაუწყებლების უმრავლესობაზე ვრცელდება და სრულად შეესაბამება ევროპულ საუკეთესო გამოცდილებას", - ნათქვამია კომუნიკაციების ეროვნული კომისიის განცხადებაში.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.04
  • 3.45
  • 0.04
  • 0.65
  • 1.46