საქართველოს პრეზიდენტის სარეზერვო ფონდის მხარდაჭერით პოლონეთის არმიის ქართველ ოფიცერთა მუზეუმის რეაბილიტაციის პირველი ფაზა განხორციელდება

ხუთშაბათი, 09 ნოემბერი, 2017 - 16:20

საქართველოს პრეზიდენტი გიორგი მარგველაშვილი პოლონეთში ოფიციალური ვიზიტის ფარგლებში, დაბა პიასეჩნოში პოლონეთის არმიის ქართველ ოფიცერთა მუზეუმს ეწვია.

პოლონეთში საქართველოს საელჩოს ინიციატივით, უახლოეს მომავალში, პოლონეთის არმიის ქართველ ოფიცერთა მუზეუმი ახალი კონცეფციის მიხედვით, პოლონეთში ქართული კულტურის ცენტრად ჩამოყალიბდება. ასევე საელჩოს ინიციატივით და საქართველოს პრეზიდენტის სარეზერვო ფონდის მხარდაჭერით იგეგმება სახლმუზეუმის სარეაბილიტაციო სამუშაოების პირველი ფაზის განხორციელება, რომელიც საგარეო საქმეთა სამინისტროსთან კოორდინაციით გაგრძელდება.

საქართველოს საელჩოს ინფორმაციით, აღნიშნული სახლი ქართველ იუნკერს და პოლონეთის არმიის ოფიცერს ნიკოლოზ მათიკაშვილს ეკუთვნოდა და მისმა ქვრივმა ანა შოდე-მათიკაშვილმა 2007 წელს მიიღო გადაწყვეტილება საელჩოსთვის მისი კუთვნილი სახლისა და მიწის ნაკვეთის საჩუქრად გადაცემის შესახებ, რომელშიც 2011 წელს საქართველო-პოლონეთის მეგობრობის სახლი, იგივე, "ქართული სახლი" და პოლონეთის არმიის ქართველ ოფიცერთა მუზეუმი დაფუძნდა.

საქართველოს პრეზიდენტმა პოლონეთის არმიის ქართველ ოფიცერთა მუზეუმის ეზოში სიმბოლურად საქართველოდან ჩატანილი მუხის ხე დარგო და "გოგლას ვაზის" ნაყოფი დააგემოვნა, რომელიც ამავე ეზოში ცნობილმა ქართველმა პოეტმა, ნიკოლოზ მათიკაშვილის ახლო ნათესავმა გიორგი ლეონიძემ წლების წინ დარგო.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.44
  • 3
  • 3.43
  • 0.04
  • 0.6
  • 1.44