გიორგი მღებრიშვილი ნატო-ს გაერთიანებული საზღვაო ძალების სარდლის მოადგილეს შეხვდა

პარასკევი, 03 ნოემბერი, 2017 - 18:18

შინაგან საქმეთა მინისტრი, გიორგი მღებრიშვილი საქართველოში ოფიციალური ვიზიტით მყოფ, ნატო-ს გაერთიანებული საზღვაო ძალების (MARCOM) სარდლის მოადგილეს, ვიცე-ადმირალ ერვი ბლეჟონს შეხვდა.

შეხვედრაზე მხარეებმა ნატო-საქართველოს შორის საზღვაო სფეროში არსებულ ორმხრივ ურთიერთობებსა და თანამშრომლობის გაღრმავების საკითხებზე ისაუბრეს. განსაკუთრებით აღინიშნა საქართველოს შს სამინისტროს სასაზღვრო პოლიციის სანაპირო დაცვის დეპარტამენტის მონაწილეობა ნატო-ს ოპერაცია „ზღვის მცველში“, რომლის მიზანსაც წარმოადგენს ხმელთაშუა ზღვასა და მის მიმდებარე საზღვაო სივრცეში უსაფრთხოების უზრუნველყოფა.

„საქართველოს, როგორც ნატო-ს საიმედო პარტნიორს, მნიშვნელოვანი წვლილი შეაქვს შავი ზღვის აუზის რეგიონის მშვიდობისა და უსაფრთხოების უზრუნველყოფის საქმეში. ჩვენ მზად ვართ, კიდევ უფრო გავზარდოთ ქართული კონტრიბუცია ნატო-ს საზღვაო ოპერაციებში, რაც, ცხადია, გააძლიერებს საქართველოს სანაპირო დაცვის შესაძლებლობებს და აამაღლებს ჩვენს ურთიერთთავსებადობას ალიანსის და პარტნიორი ქვეყნების საზღვაო ძალებთან. ჩვენთვის დიდი პატივია, ვუმასპინძლოთ ალიანსის წევრი სახელმწიფოების 4 ხომალდს. დამერწმუნეთ, ჩვენი ქვეყნის პორტები მოკავშირეებისთვის მუდმივად ღია და უსაფრთხოა,“ - განაცხადა საქართველოს შს მინისტრმა გიორგი მღებრიშვილმა ნატო-ს გაერთიანებული საზღვაო ძალების სარდლის მოადგილესთან შეხვედრაზე.

თავის მხრივ, ვიცე-ადმირალმა ქართულ მხარეს ნატო-ს ეგიდით მიმდინარე ოპერაციებსა და მისიებში შეტანილი წვლილისთვის მადლობა გადაუხადა და აღნიშნა, რომ საქართველო ნატო-ს ღირებული და მნიშვნელოვანი პარტნიორია. ერვი ბლეჟონის თქმით, ალიანსს შავ ზღვაზე სამი წევრი და ერთი გამორჩეული პარტნიორი ჰყავს, საქართველოს სახით.

ნატო-ს გაერთიანებული საზღვაო ძალების სარდლის მოადგილემ მაღალი შეფასება მისცა საქართველოს შს სამინისტროში მიმდინარე რეფორმებს. გიორგი მღებრიშვილთან შეხვედრაზე ვიცე-ადმირალმა ხაზი გაუსვა, რომ თანამშრომლობა ნატოს-ს საზღვაო ძალებსა და საქართველოს შს სამინისტროს სასაზღვრო პოლიციის სანაპირო დაცვის დეპარტამენტს შორის დინამიურად ვითარდება და 2018 წლისთვის კიდევ უფრო ინტენსიურ ხასიათს მიიღებს.

ვიცე-ადმირალმა, ასევე, დადებითად შეაფასა საქართველოს შსს-ს მეკავშირე ოფიცრის საქმიანობა ნატო-ს საზღვაო ძალების სარდლობაში.

შეხვედრის დასასრულს, ერვი ბლეჟონმა კიდევ ერთხელ ხაზგასმით დააფიქსირა ნატო-ს ურყევი პოზიცია საქართველოს ტერიტორიულ მთლიანობასთან დაკავშირებით.

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.89
  • 3.29
  • 0.04
  • 0.53
  • 1.44