ალბერტ აინშტაინის "ბედნიერების რეცეპტი" აუქციონზე 1.56 მილიონ დოლარად გაიყიდა

სამშაბათი, 24 ოქტომბერი, 2017 - 23:07

ცნობილი ფიზიკოსის ალბერტ აინშტაინის "ბედნიერების რეცეპტი" იერუსალიმის აუქციონზე 1.56 მილიონ დოლარად გაიყიდა, - აღნიშნულის შესახებ აუქციონის სახლი Winner's წერს. გარდა ამისა, აუქცინზე  240 ათას დოლარად გაიყიდა მეორე "რეცეპტი", ხოლო  აინშტაინის კიდევ ორი წერილი - 33 ათას და 9.6 ათას დოლარად.

1922 წლის ნოემბერში აინშტაინი,  ნობელის პრემიის დაჯილდოების შემდეგ,  იაპონიაში, ტოკიოში ლექციების ჩასატარებლად ჩავიდა. სასტუმროში მას კურიერისთვის მისაცემი ხურდა ფული არ აღმოაჩნდა და მადლობის ნიშნად, ფურცელზე გერმანულ ენაზე  რამდენიმე წინადადება  დაუწერა. ამასთან, ფიზიკოსმა კურიერს ურჩია, რომ ამ ჩანაწერებს გაფრთხილებოდა, რადგან  მომავალში მათ  მნიშვნელოვანი ღირებულება ექნებოდა.

"მშვიდ და მოკრძალებულ ცხოვრებას უფრო მეტი ბედნიერება მოაქვს, ვიდრე წარმატებების დევნას, მუდმივ მოუსვენრობასთან ერთად", წერია პირველ "რეცეპტში", მეორეში კი - "თუ არსებობს ნება, საშუალებაც გამოინახება".

 

 

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.18
  • 3.58
  • 0.05
  • 0.68
  • 1.59