ვენეციის კომისიის პლენარულ სხდომაზე დღეს საკონსტიტუციო ცვლილებების შესახებ საბოლოო დასკვნა დამტკიცდება

პარასკევი, 06 ოქტომბერი, 2017 - 12:35

 საკონსტიტუციო ცვლილებების შესახებ საბოლოო დასკვნას ვენეციის კომისია დღეს, პლენარულ სხდომაზე დაამტკიცებს. ვენეციაში სამუშაო ვიზიტით იმყოფება საქართველოს პარლამენტის თავმჯდომარე ირაკლი კობახიძე, რომელიც პლენარულ სხდომაზე საკონსტიტუციო რეფორმის პროცესსა და მის ძირითად არსზე, ასევე, გაუმჯობესებულ ნორმებსა და ვენეციის კომისიის რეკომენდაციებზე ისაუბრებს.

„პარლამენტის თავმჯდომარე ისაუბრებს ზოგადად საკონსტიტუციო რეფორმის არსზე, იმ ცვლილებებზე, რომელიც განხორციელდა საკონსტიტუციო რეფორმის პროცესში, იმ გაუმჯობესებულ ნორმებზე, რომელიც დღეს გვაქვს ასახული კონსტიტუციის ახალ პროექტში და ასევე, შეეხება იმ რეკომენდაციებს, რომელიც იქნა ასახული ვენეციის კომისიის მიერ“, - განაცხადა პარლამენტის თავმჯდომარის კაბინეტის უფროსმა, ნიკოლოზ სამხარაძემ.

ნიკოლოზ სამხარაძემ კომენტარი გააკეთა იმ არგუმენტის შესახებაც, რომლის თანახმადაც, უმრავლესობა პრეზიდენტის ვეტოს არ გაიზიარებს. პარლამენტის თავმჯდომარის კაბინეტის უფროსმა განმარტა, რომ მმართველი გუნდი ვეტოს მხოლოდ უმრავლესობისა და ვენეციის კომისიის შეთანხმების მიხედვით გაიზიარებდა.

„მთავარი არგუმენტი არის ის, რომ ეს პროცესი მიმდინარეობდა ძალიან დიდი ხნის განმავლობაში და ამ ხნის განმავლობაში ყველა პოლიტიკურ პარტიას შეეძლო ამ პროცესში მონაწილეობის მიღება. პრინციპში, პროცესი უკვე დასრულებულია. ერთადერთი, რის ასახვაც ვეტოში შეიძლებოდა, რომლის გაზიარებისთვის უმრავლესობა არის მზად, ეს არის ის შეთანხმება, რომელიც არსებობს უმრავლესობასა და ვენეციის კომისიას შორის, პარლამენტის თავმჯდომარესა და ვენეციის კომისიას შორის. ამიტომ, ზუსტად ამ მოტივებით, ეს ვეტო არ იქნება გაზიარებული“, - განაცხადა ნიკოლოზ სამხარაძემ.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.48
  • 3.03
  • 3.46
  • 0.04
  • 0.61
  • 1.46