საქართველოს პრეზიდენტი პორტუგალიაში პირველი ოფიციალური ვიზიტით იმყოფება

ორშაბათი, 02 ოქტომბერი, 2017 - 15:41

პორტუგალიაში საქართველოს პრეზიდენტმა გიორგი მარგველაშვილმა პირველი ოფიციალური ვიზიტი დაიწყო. საქართველოს პრეზიდენტის დახვედრის ოფიციალური ცერემონია ქალაქ ლისაბონში, ბელემის სასახლეში გაიმართა.

პრეზიდენტებმა ერთმანეთს დელეგაციები წარუდგინეს და პორტუგალიის სახელმწიფო დროშას მიაგეს პატივი.

გიორგი მარგველაშვილმა და მარსელო რებელო დე სოუზამ ბელემის სასახლეში პირისპირ და გაფართოებული ფორმატის შეხვედრები გამართეს. საქართველოს პრეზიდენტმა პორტუგალიის პრეზიდენტი საქართველოში ვიზიტით მოიწვია და აღნიშნა, დიპლომატიური ურთიერთობების გააქტიურება ახალი სტიმული იქნება ორი ქვეყნის პოლიტიკური ურთიერთობების განვითარებისათვის.

გიორგი მარგველაშვილმა პორტუგალიის რესპუბლიკის პრეზიდენტს მადლობა გადაუხადა საქართველოს სუვერენიტეტისა და ტერიტორიული მთლიანობის, ოკუპირებული ტერიტორიების არაღიარების პოლიტიკის მხარდაჭერისა და ევროკავშირის სადამკვირვებლო მისიაში შეტანილი წვლილისათვის.

საქართველოს პრეზიდენტმა დეტალური ინფორმაცია მიაწოდა საქართველოს ოკუპირებულ რეგიონებში შექმნილი ვითარების შესახებ და აღნიშნა, რომ საოკუპაციო ხაზის გასწვრივ მავთულხლართები, ე.წ. "საზღვრის ნიშნები" და სხვა ხელოვნური ბარიერები სერიოზულ პრობლემებს უქმნის ადგილობრივ მოსახლეობას. შეხვედრაზე განიხილეს საქართველოს ევროპულ და ევროატლანტიკურ სტრუქტურებში ინტეგრაციის პროცესის მიმდინარეობა,

პორტუგალიისა და პოტრუგალიურენოვანი ქვეყნების ალიანსის მხარდაჭერის მნიშვნელობა. მხარეებმა ისაუბრეს აღმოსავლეთ ევროპისა და ნატო-ს მომავალი სამიტების მზადების შესახებ. განიხილეს საქართველოსათვის ნატო-ს ღია კარის პოლიტიკის გაგრძელების მნიშვნელობა და საქართველოს ნატო-ში ინტეგრაციის დღის წესრიგი.

საქართველოს პრეზიდენტმა ბელემის სასახლეში ჩანაწერთა წიგნში სამახსოვრო ჩანაწერი გააკეთა და გულთბილი მასპინძლობისათვის პორტუგალიის პრეზიდენტს მადლობა გადაუხადა.

“ჩვენ დღეს უაღრესად მნიშვნელოვანი ნაბიჯი გადავდგით ჩვენი ქვეყნების შემდგომი თანამშრომლობის გასაღრმავებლად. მჯერა, რომ საერთო ძალისხმევით ჩვენ შევძლებთ უკეთესი მომავლის შექმნას ჩვენი ხალხებისა და ჩვენი საერთო ევროპული ოჯახისათვის” ,- აღნიშნულია ჩანაწერში.

საქართველოს პრეზიდენტის დელეგაციის შემადგენლობაში შედიან: პრეზიდენტის ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი დავით რაქვიაშვილი, საგარეო საქმეთა მინისტრის მოადგილე ვახტანგ მახარობლიშვილი, საქართველოს ელჩი პორტუგალიის რესპუბლიკაში რევაზ ბეშიძე, პრეზიდენტის საგარეო ურთიერთობათა მდივანი თენგიზ ფხალაძე, საპარლამენტო მდივანი ანა დოლიძე და პრეზიდენტის პოლიტიკური მდივანი ფიქრია ჩიხრაძე.

საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, მნიშვნელოვანია, რომ შედგა საქართველოს პრეზიდენტის პირველი ოფიციალური ვიზიტი პორტუგალიაში.

“პრეზიდენტებმა ორმხრივ შეხვედრაზე განსაკუთრებული ყურადღება გაამახვილეს საქართველოს ტერიტორიების ოკუპაციის საკითხებზე და მათი არაღიარების პოლიტიკაზე, რომელშიც პორტუგალიის როლი განსაკუთრებით მნიშვნელოვანია, მათ შორის, პორტუგალიურენოვან ქვეყნებთან ურთიერთობის საკითხში" , - აღნიშნა აბაშიშვილმა.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.43
  • 3
  • 3.45
  • 0.04
  • 0.59
  • 1.43