სოლომონის კუნძულებზე მითიურ ცხოველს მიაგნეს

პარასკევი, 29 სექტემბერი, 2017 - 19:02

ამერიკელმა ზოოლოგებმა სოლომონის კუნძულებზე გიგანტური ვირთხა აღმოაჩინეს, რომელიც პატარა ძაღლის ან კატის ზომისაა, - ნათქვამია სტატიაში, რომელიც Journal of Mammology-ში გამოქვეყნდა.

როგორც სტატიაში წერია, მღრნელების ახალი სახეობა მართლაც საოცარი არსებაა - ეს უზარმაზარი, გიგანტური ვირთხაა. ეს არის ვირთხების პირველი სახეობა, რომელიც სოლომონის კუნძულებზე  ბოლო 80 წლის განმავლობაში აღმოაჩინეს და რომლის კვალსაც   მეცნიერები ამ დრომდე უშედეგოდ ეძებდნენ.

ვირთხა, რომელსაც Uromys vika უწოდეს,  რეალურად  ძალიან დიდი მღრღნელი აღმოჩნდა,  დაახლოებით ერთ კილოგრამს იწონის და სიგრძით 45 სანტიმეტრია.

სხვა ვირთხებისგან გიგანტური ვირთხა იმით განსხვავდება, რომ ის ხეებზე ცხოვრობს და იშვიათად ჩამოდის მიწაზე.

ზოოლოგები გიგანტური ვირთხის წითელ წიგნში შეტანას ითხოვენ. ამასთანავე, იმედოვნებენ, რომ  ხელისუფლება ტყეების გაჩეხვაზე აკრძალვას დააწესებს, რაც ახლადაღმოჩენილი სახეობის გადარჩენას უზრუნველყოფს.

სოლომონის კუნძულებზე დიდი ხანია არსებობს  ლეგენდა გიგანტური ვირთხების შესახებ, რომლებიც ფარულ ცხოვრებას ეწევიან და რეკორდული ზომების არიან.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46