ეროვნული თავდაცვის აკადემიაში შალვა დოლიძის სახელობის ტურნირი გაიმართა

ორშაბათი, 18 სექტემბერი, 2017 - 15:06

 დავით აღმაშენებლის სახელობის საქართველოს ეროვნულ თავდაცვის აკადემიაში 2008 წლის ომში დაღუპული, მეოთხე ქვეითი ბრიგადის 41-ე ბატალიონის მეთაურის, მაიორ შალვა დოლიძის სახელობის სპორტული ღონისძიება გაიმართა.

საქართველოს ტერიტორიული მთლიანობისთვის ბრძოლებში და საერთაშორისო მისიებში დაშავებული სამხედრო მოსამსახურეები სირბილში, მშვილდოსნობაში, ცურვაში, პნევმატური იარაღიდან სროლაში, მძლეოსნობაში, მკლავჭიდში, მაგიდის ტენისში და ბილიარდში შეეჯიბრნენ ერთმანეთს.

სპორტული ღონისძიება საქართველოს თავდაცვის მინისტრის მოადგილემ, ზაალ კაპანაძემ გახსნა. მინისტრის მოადგილემ დაჭრილ სამხედრო მოსამსახურეებს სიტყვით მიმართა და ღონისძიების მნიშვნელობაზე გაამახვილა ყურადღება.

ტურნირის დასასრულს სპორტულ სახეობებში გამარჯვებულები გამოვლინდნენ. პრიზიორებს შესაბამისი მედლები საქართველოს შეიარაღებული ძალების გენერალური შტაბის უფროსის მოადგილემ, ბრიგადის გენერალმა ზაზა ჩხაიძემ, საქართველოს თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტის უფროსმა, პაატა პატიაშვილმა და ეროვნული თავდაცვის აკადემიის რექტორმა, პოლკოვნიკმა ზაზა ჯაფარიძემ გადასცეს.

ღონისძიებას მაიორ შალვა დოლიძის ოჯახის წევრები, მეუღლე და ვაჟი ესწრებოდნენ.

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.88
  • 3.29
  • 0.04
  • 0.55
  • 1.44