ბაკურიანში უკანონო სახერხი დანადგარი აღმოაჩინეს

ოთხშაბათი, 13 სექტემბერი, 2017 - 11:48

ეროვნული სატყეო სააგენტოს, გარემოსდაცვითი ზედამხედველობის დეპარტამენტის სამცხე-ჯავახეთის რეგიონული სამმართველოსა და შინაგან საქმეთა სამინისტროს სამცხე–ჯავახეთის პოლიციის დეპარტამენტის თანამშრომლებმა, ერთობლივად განხორციელებული მასშტაბური ღონისძიების შედეგად, ბაკურიანის სატყეო უბნის მაჭარწყლის სატყეოს ტერიტორიაზე, უკანონო სახერხი დანადგარი აღმოაჩინეს.

ტერიტორიაზე განთავსებული იყო ე.წ. ლენტური ტიპის ხერხი, გენერატორი, ბენზოხერხი და სახერხი დანადგარის ფუნქციონირებისთვის ყველა საჭირო ინვენტარი. ადგილზე ნაპოვნია წიწვოვანი სახეობის 8.6 მ3 მორი და 11.55 მ3 პირველადი გადამუშავების პროდუქტი - ფიცარი.

სახერხი დანადგარი და უკანონოდ მოპოვებული ხე-ტყე დალუქული და გადატანილია ფინანსთა სამინისტროს მომსახურების სააგენტოში. მიმდინარეობს გარემოსთვის მიყენებული ზიანის დაანგარიშება. მასალები, შემდგომი რეაგირებისთვის, შესაბამის უწყებას გადაეგზავნება.

ეროვნული სატყეო სააგენტოს განცხადებით, აღნიშნული უწყებები აგრძელებენ გამკაცრებული ერთობლივი ოპერატიული ღონისძიებების განხორციელებას, 24 საათიან პატრულირებასა და ხე-ტყის წარმოშობისა და ტრანსპორტირებისთვის საჭირო დოკუმენტაციის შემოწმებას, სამართალდარღვევის ფაქტების გამოვლენისა და აღკვეთის მიზნით.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.04
  • 3.45
  • 0.04
  • 0.65
  • 1.46