პრემიერ-მინისტრი ლიტვა-საქართველოს საპარლამენტო მეგობრობის ჯგუფის ხელმძღვანელს შეხვდა

ორშაბათი, 11 სექტემბერი, 2017 - 15:54

საქართველო ევროკავშირის აღმოსავლეთის პარტნიორებს შორის, წარმატებული რეფორმების თვალსაზრისით, წამყვანი ქვეყანაა და ლიტვა ხელს შეუწყობს საქართველოს ამ როლის კიდევ უფრო გაძლიერებას, - ამის შესახებ ლიტვა-საქართველოს საპარლამენტო მეგობრობის ჯგუფის ხელმძღვანელმა ჟიგიმანტას პავილიონისმა საქართველოს პრემიერ-მინისტრ გიორგი კვირიკაშვილთან დღევანდელ შეხვედრაზე განაცხადა.

საუბრისას, ხაზი გაესვა ორი ქვეყნის მეგობრული ურთიერთობების განვითარების პოზიტიურ დინამიკას და აღინიშნა, რომ ამის კიდევ ერთი დადასტურებაა ლიტვის რესპუბლიკის პრემიერ-მინისტრის ოფიციალური ვიზიტი საქართველოში, რომელიც სექტემბერში იგეგმება.

პრემიერმა სტუმრებს დეტალური ინფორმაცია მიაწოდა საქართველოში მიმდინარე და დაგეგმილი რეფორმების, ასევე - საერთაშორისო რეიტინგებში ქვეყნის მოწინავე პოზიციების შესახებ.

ლიტვის საპარლამენტო დელეგაციამ განსაკუთრებით აღნიშნა საქართველოს პროგრესი კორუფციასთან ბრძოლისა და ევროკავშირთან სამართლებრივი დაახლოების თვალსაზრისით. საუბარი შეეხო საქართველოს ევროპული და ევროატლანტიკური ინტეგრაციის გზას. ლიტვის დელეგაციამ საქართველოსთვის ამ მიმართულებით გამოცდილების გაზიარების მზადყოფნა გამოთქვა. ინფორმაციას, საქართველოში განხორციელებული რეფორმებისა და ქვეყნის მიერ მიღწეული პროგრესის შესახებ, ლიტვა-საქართველოს საპარლამენტო მეგობრობის ჯგუფი ევროპულ ინსტიტუტებს მიაწვდის.

შეხვედრას საქართველოს საგარეო საქმეთა მინისტრის მოადგილე ვახტანგ მახარობლიშვილი და პრემიერ-მინისტრის მრჩეველი საგარეო ურთიერთობათა საკითხებში თედო ჯაფარიძე დაესწრნენ.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.44
  • 3
  • 3.43
  • 0.04
  • 0.6
  • 1.44