მიხეილ სააკაშვილი უკრაინის საზღვრის გადაკვეთას 11 წლის ვაჟთან ერთად აპირებს

შაბათი, 09 სექტემბერი, 2017 - 15:07

საქართველოს ყოფილი პრეზიდენტი და ოდესის რეგიონის ყოფილი ხელმძღვანელი მიხეილ სააკაშვილი  უკრაინის საზღვრის გადაკვეთას თავის 11 წლის ვაჟთან ერთად აპირებს და დარწმუნებულია, რომ პროვოკაციებს ადგილი არ ექნება.

მიხეილ სააკაშვილის განცხადებით, მას რამდენიმე ვარიანტი აქვს უკრაინაში დაბრუნების თაობაზე.

 "არსებობს რამდენიმე სამართლებრივი ნორმა,  თუ როგორ შეიძლება ლეგალურად  ჩემი დაბრუნება უკრაინაში და მე გამოვიყენებ მათ", - განაცხადა პოლიტიკოსმა.

სააკაშვილის განცხადებით, თუ კრაკოვეცში მას უარი ეთქვა, მას აქვს გეგმა "ბ", რომელსაც ამ ეტაპზე არ ასაჯაროებს და ჟურნალისტებს უკრაინის პასპორტი აჩვენა..

 შეგახსენებთ, რომ 2017 წლის 26 ივლისს უკრაინის პრეზიდენტმა პეტრო პოროშენკომ ხელი მოაწერა ბრძანებას მიხეილ სააკაშვილისთვის მოქალაქეობის ჩამორთმევის თაობაზე. იმ დროისთვის პოლიტიკოსი ამერიკის შეერთებულ შტატებში იმყოფებოდა, შემდეგ კი უკრაინის პასპორტით ევროპის ქვეყნებში შეხვედრები გამართა.

მიხეილ სააკაშვილი  უკრაინაში დაბრუნებას 10 სექტემბერს პოლონეთიდან აპირებს.

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61