საქართველო ჭადრაკში მსოფლიო თასისთვის ემზადება

ხუთშაბათი, 10 აგვისტო, 2017 - 16:12

2-28 სექტემბერს თბილისში ჭადრაკში მსოფლიო თასის გათამაშება გაიმართება. ტურნირთან დაკავშირებით სპორტისა და ახალგაზრდობის საქმეთა მინისტრის პირველმა მოადგილემ აკაკი ლოდიამ დღეს ფიდე-ს მაღალჩინოსნებს, ვიცე-პრეზიდენტს ისრაელ გელფერს და გენერალურ მდივანს ჯეფრი ბორგს უმასპინძლა.

თბილისში დაგეგმილი მსოფლიო თასი შეჯიბრების ისტორიაში ყველაზე პრესტიჟული იქნება, რადგან მასში მონაწილეობას მიიღებს ფიდე-ს საერთაშორისო რეიტინგში საწყის 25 პოზიციაზე მყოფი მოჭადრაკე. ასეთი რამ ისტორიაში არ მომხდარა.

დღევანდელ შეხვედრას, რომელიც მსოფლიო თასისთვის მზადების გარდა გაისად, ბათუმში დაგეგმილ საჭადრაკო ოლიმპიადასაც შეეხო, ევროპის საჭადრაკო კავშირის პრეზიდენტი ზურაბ აზმაიფარაშვილი და საქართველოს ჭადრაკის ფედერაციის პრეზიდენტი გია გიორგაძეც დაესწრნენ.

ტურნირში მონაწილეობას მიიღებენ საერთაშორისო დიდოსტატები, ფიდე-ს რეიტინგის ლიდერი, მსოფლიოს ჩემპიონი მაგნუს კარლსენი, ვლადიმირ კრამნიკი, ვიშვანათან ანანდი, ვესელინ ტოპალოვი, უესლი სო, ფაბიანო კაურანა, ჰიკარუ ნაკამურა და სხვები.

ორასამდე სპორტსმენს სასტუმრო ჰუალინგ პრეფერენსი უმასპინძლებს. მსოფლიო თასიც იქვე გათამაშდება.

 43-ე საჭადრაკო ოლიმპიადას ბათუმი გაისად, 23 სექტემბრიდან 7 ოქტომბრის ჩათვლით უმასპინძლებს.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.94
  • 3.27
  • 0.04
  • 0.68
  • 1.46