სამხედრო ჰოსპიტალში სამედიცინო დოკუმენტების ელექტრონული აღრიცხვის ახალი სისტემა დაინერგება

შაბათი, 05 აგვისტო, 2017 - 13:05

 საქართველოს თავდაცვის სამინისტროს გიორგი აბრამიშვილის სახელობის სამხედრო ჰოსპიტალი ერთ-ერთი პირველი სამედიცინო დაწესებულებაა, სადაც სამედიცინო დოკუმენტების ელექტრონული აღრიცხვის ახალი სისტემა დაინერგება. აღნიშნულის შესახებ საქართველოს თავდაცვის მინისტრმა ლევან იზორიამ და შრომის, ჯანმრთელობისა და სოციალური დაცვის მინისტრმა დავით სერგეენკომ სამხედრო ჰოსპიტალში სტუმრობისას განაცხადეს.

მთავრობის წევრებმა ღონისძიების დაწყებამდე წუთიერი დუმილით პატივი მიაგეს ავღანეთის ისლამურ რესპუბლიკაში, ბაგრამის საავიაციო ბაზის მიმდებარე ტერიტორიაზე მომხდარი ტერორისტული აქტის შედეგად დაღუპული სამხედრო მოსამსახურის, უმცროსი სერჟანტის მდინარი ბებიაშვილის ხსოვნას. მათ, ასევე სამხედრო ჰოსპიტალის ეზოში მდებარე საქართველოს ტერიტორიული მთლიანობისთვის დაღუპული მედიკოსების მემორიალი გვირგვინებით შეამკეს.

სიტყვით გამოსვლისას, თავდაცვის მინისტრმა აღნიშნა, რომ ჯანდაცვის სამინისტროსგან მიღებული 5000 ლიცენზია გორის სამხედრო ჰოსპიტალს სამედიცინო დოკუმენტების საერთო სტანდარტებით ელექტრონულად წარმოების საშუალებას მისცემს.

ლევან იზორიამ სამხედრო მოსამსახურეების, მათი ოჯახის წევრებისა და სამოქალაქო პირებისათვის სამედიცინო სერვისების დახვეწის მნიშვნელობაზე ისაუბრა. მან ყურადღება სამხედრო ჰოსპიტალის სამედიცინო პერსონალის პროფესიონალიზმსა და ქუთაისში ახალი სამხედრო ჰოსპიტალის აშენების შესახებაც გაამახვილა.

ჯანდაცვის მინისტრის განცხადებით, უწყებამ „ელექტრონული ჯანდაცვის სისტემის“ დანერგვა 2016 წელს დაიწყო. დავით სერგეენკომ განმარტა, რომ ამჟამად პაციენტების სამედიცინო ისტორიების ელექტრონულად წარმოებისათვის საერთო სტანდარტი მზად არის და ამ სისტემის შესაძლებლობების მაქსიმალურ გამოვლენას უზრუნველყოფს.

მსგავსი სიახლეები

სოციალური ქსელი

ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე იმედია, არ დადასტურდება არაოფიციალური ინფორმაცია - ნანუკა ჟორჟოლიანი მთავრობას მიმართავს გაიღვიძეთ რა!!! რამ დაგადუმად, რამ დაგაგლახავად ასე! იმოქმედეთ რა!!! - გია მაისაშვილი მაშინ როდესაც ბარბარეს სიცოცხლე ქვევრში ჩაკალით?! აბა, გაბედეთ და იმ ქვევრს ახადეთ თავსახური... - სულა სულაშვილი

გამოკითხვა

ვალუტა

  • 2.68
  • 3.15
  • 3.61
  • 0.05
  • 0.7
  • 1.58