საიდუმლო მოლაპარაკება ივანიშვილსა და პოროშენკოს შორის ურეკში შედგა - მიხეილ სააკაშვილმა BBC-ს ინტერვიუ მისცა

პარასკევი, 28 ივლისი, 2017 - 14:43

საქართველოს ყოფილი პრეზიდენტი და ოდესის ყოფილი გუბერნატორი მიხეილ სააკაშვილი  BBC-სთან ინტერვიუში აცხადებს, რომ ის აუცილებლად დაბრუნდება უკრაინაში. რაც შეეხება მისთვის უკრაინული პასპორტის ჩამორთმევას,  ეს ორი ოლიგარქის - ივანიშვილისა და პოროშენკოს მოლაპარაკების შედეგია,

სააკაშვილის თქმით, უკრაინაში  ხალხის მობილიზება დაიწყება, საჭირო მომენტში კი ის იქ აღმოჩნდება და მოვლენებში  აქტიურად ჩაერთვება..

"პოროშენკოს არც ტვინი,  არც გამოცდილება  და არც თავშეკავება ჰყოფნის, რომ  ასეთი სისულელე არ ჩაედინა. ის თვითმკვლელობით არის დაკავებული და არა ქვეყნის მართვით", - აცხადებს სააკაშვილი,

სააკაშვილი აცხადებს, რომ რაც ოპოზიციაში გადავიდა,  პრეზიდენტ პოროშენკო მასში მეტოქეს ხედავს, მის შესახებ საიდუმლო მოლაპარაკება ივანიშვილსა და პოროშენკოს შორის ურეკში შედგა,

"ყველასთვის ცნობილია ეს სასაცილო ბრალდებები და არც არავის უღიარებია, არც აღიარებენ, უკრაინაც არ ცნობდა, უეცრად აღიარა, იმიტომ, რომ პოროშენკოს ეს სჭირდებოდა. ორი ოლიგარქის ბინძური კავშირი ჩემს წინააღმდეგ - ესაა მთელი ისტორია", - აცხადებს სააკაშვილი ინტერვიუში.

მიხეილ სააკაშვილი ანკეტაში მითითებულ ყალბ მონაცემებთან დაკავშირებით აცხადებეს, რომ მისთვის წაყენებული ცრუ ბრალდებები  არც ერთმა ქვეყანამ არ აღიარა, მათ შორის, თავის დროზე,  არც უკრაინამ. ის გადაადგილდებოდა უპრობლემოდ, ხვდებოდა სხვადასხვა ქვეყნის ლიდერებს, გამოდიოდა საერთაშორისო ფორუმებზე და პრობლემა არ შექმნია,

"მე არ მაქვს არც ერთი ქვეყნის არანაირი დოკუმენტი. არც მაქვს ამის სურვილი.  მე მაქვს სრულიად ლეგიტიმური უკრაინის პასპორტი, რომელიც პოროშენკომ უკანონოდ გამიუქმა. კანონიერება აღდგება, ამაში ეჭვი არავის შეეპაროს", აცხადებს მიხეილ სააკაშვილი.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.92
  • 3.28
  • 0.04
  • 0.67
  • 1.46