მიხეილ სააკაშვილმა უკრაინის მოქალაქეობა დაკარგა

ოთხშაბათი, 26 ივლისი, 2017 - 17:50

საქართველოს ყოფილმა პრეზიდენტმა და ოდესის ყოფილმა გუბერნატორმა მიხეილ სააკაშვილმა  უკრაინის მოქალაქეობა დაკარგა.  ინფორმაციას ТСН-თან უკრაინის მიგრაციის სამსახური ადასტურებს.

გამოცემის ცნობით, მიხეილ სააკაშვილი მოქალაქეობას  19-ე მუხლის  მე-2 პუნქტის საფუძველზე კარგავს. კერძოდ, ანკეტაში ყალბი მონაცემების მითითებისთვის. ოდესის ყოფილმა გუბერნატორმა ანკეტის შევსებისას მიუთითა, რომ მის მიმართ გამოძიება არ წარმოებს, თუმცა  საქართველოში მას პატიმრობა დაუსწრებლად შეუფარდეს.

უკრაინის მოქალაქეობა სააკაშვილს პრეზიდენტმა პეტრო პოროშენკომ  2015 წლის მაისის ბოლოს მიანიჭა, რის შემდეგ ოდესის გუბერნატორად დაინიშნა. 2015 წლის დეკემბერში  მან საქართველოს მოქალაქეობა დაკარგა.

ოდესის რეგიონის ხელმძღვანელის პოსტიდან  სააკაშვილი ნახევარი წლის შემდეგ გადადგა,  მიზეზად კორუფცია დაასახელა და  პრეზიდენტსა და ხელმძღვანელ პირებს დაუპირისპირდა. სააკაშვილმა მალევე შექმნა პოლიტიკური პარტია და საპარლამენტო არჩევნებისთვის მზადება დაიწყო.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.58
  • 2.93
  • 3.28
  • 0.04
  • 0.42
  • 1.52