ქართულმა ანსამბლებმა ალპებში მუსიკალურ ფესტივალში მიიღეს მონაწილეობა

ორშაბათი, 17 ივლისი, 2017 - 14:09

ქართულმა ანსამბლებმა - "დიდგორმა" და ტრიომ "დები ზვიადაურები", ალპებში 4 დღის განმავლობაში საქართველოს სხვადასხვა კუთხის სიმღერები შეასრულა. თითოეულ კონცერტს ათასსზე მეტი მაყურებელი დაესწრო.  კონცერტის შემდგომ ქართველი და ადგილობრივი მუსიკოსების შთაბეჭდილებებისა და გამოცდილების გაზიარება, რის შედეგადაც რამდენიმე ერთობლივი მუსიკალური ნომერი დაიბადა და მაყურებლის წინაშეც შესრულდა.

ტრადიციული მუსიკის რიგით მე-12 ფესტივალი 6-9 ივლისს შვეიცარიაში, ობვალდენის კანტონში გაიმართა, წლევანდელი ფესტივალის სტუმარი  საქართველო იყო.

ფესტივალის ორგანიზატორმა, მარტინ ჰესისმა პირადად იმოგზაურა საქართველოში და რის შემდეგაც მან ფესტივალში მონაწილეობისათვის შეარჩია მგალობელ-მომღერალთა გუნდი "დიდგორი" და ტრიო "დები ზვიადაურები". 5 ივლისს, ობვალდენის კანტონში, გიზვილის მუნიციპალიტეტში გაიმართა ფოლკლორული მუსიკის ფესტივალის (Volkskulturfest) ოფიციალური გახსნა.

4-დღიანი ფესტივალის გახსნის ცერემონიალზე მრავალრიცხოვან მოწვეულ საზოგადოებას მისასალმებელი სიტყვით მიმართა ობვალდენის კანტონის პრეზიდენტმა, მაია ბიუხი-კაიზერმა, რომელიც მიესალმა ფესტივალის გახსნაზე მოწვეულ შვეიცარიის კონფედერაციაში საქართველოს ელჩს, ირაკლი ყურაშვილს. "დიდგორისა'' და "დები ზვიადაურების'' შესრულებამ მსმენელთა დიდი მოწონება დაიმსახურა.

აღნიშნულ ღონისძიებას შვეიცარიული გაზეთი "Luzerner Zeitung''-ი გამოეხმაურა და სტატია გამოაქვეყნა. 

მსგავსი სიახლეები

სოციალური ქსელი

როცა ბოროტი რეჟიმი ინგრევა, კაცი ამ ბოროტებას სწორედ მაშინ არ უნდა წაეშველოს. თან, მთელი 20 000 ლარით - ირმა ინაშვილი მამუკა ბახტაძეზე ძალიან სამარცხვინოა - მერაბ მეტრეველი პრემიერ-მინისტრობის კანდიდატზე ბიძინას ტვინის ვისაც გჯერათ, მერე მელაპარაკეთ, სასიძოს პრემიერად რომ წარადგენს - ნიკა გვარამია არ მგონია მასზე ხელის შეწმენდა სამართლიანი იყოს - კობა დავითაშვილი პრემიერ-მინისტრის გადადგომაზე მთავრობის გადადგომას რა ლეგიტიმაციით ითხოვთ თქვე ,,გოუცრელი ჭადით გაზრდილებო"?! - ჯაბა ხუბუა ეშმაკთან რომ პირი შეკარი შენ, "ქართულო ოცნებავ", ეს ღუპავს ქვეყანას - ირმა ინაშვილი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.46
  • 2.84
  • 3.23
  • 0.04
  • 0.52
  • 1.45