კომუნიკაციების ეროვნულმა კომისიამ საზმაუწყებლის წინააღმდეგ „თავისუფალი დემოკრატები-რესპუბლიკელების“ სარჩელი განიხილა

ხუთშაბათი, 06 ივლისი, 2017 - 18:14

დაარღვია თუ არა საზოგადოებრივმა მაუწყებელმა მაუწყებლობის შესახებ კანონი - გადაწყვეტილებას კომუნიკაციების ეროვნული კომისია 13 ივლისს გამოაცხადებს. დღეს კი „თავისუფალი დემოკრატები-რესპუბლიკელების “ სარჩელი კომისიამ არსებითად განიხილა.

„თავისუფალი დემოკრატები-რესპუბლიკელები“ საზოგადოებრივ მაუწყებელს ეთერში საკონსტიტუციო ცვლილებებთან დაკავშირებით განთავსებული კლიპის შესახებ ედავებიან. სარეკლამო რგოლში ამბობენ, რომ საქართველო, საპრეზიდენტო მმართველობიდან საპარლამენტოზე გადადის, ევროპული საპარლამენტო მმართველობა კი პრეზიდენტის არაპირდაპირი არჩევის წესს გულისხმობს.

„თავისუფალი დემოკრატები-რესპუბლიკელები“ მიიჩნევენ, რომ რეკლამა არ აკმაყოფილებს სოციალური რეკლამის სტატუსს და მისი მიზანი მმართველი პოლიტიკური ძალის ინტერესების სასარგებლოდ ცალმხრივი და მიკერძოებული ინფორმაციის მიწოდებაა.

„სარეკლამო რგოლი არ აკმაყოფილებს „მაუწყებლობის შესახებ“ საქართველოს კანონის მე-2 მუხლის ჰ7 პუნქტს, რომელიც სოციალურ რეკლამას განმარტავს. მართალია, რეკლამის შინაარსში მოხსენიებული არ არის მმართველი პოლიტიკური ძალა, მაგრამ რეკლამის შინაარსი სწორედ ამ პოლიტიკური გუნდის იდეების გამტარებელია. შინაარსიდან არ იკვეთება არც საქველმოქმედო, არც საზოგადოების ცნობიერების ამაღლების მიზანი, პირიქით, რეკლამა მიკერძოებულად აწვდის მხოლოდ ერთი საკითხის შესახებ ინფორმაციას, ხოლო მისი მიზანია, საზოგადოების ქცევის შეცვლა მმართველი ძალის ინტერესების სასარგებლოდ.“, - აცხადებს რესპუბლიკური პარტიის პოლიტიკური მდივანი თამარ კორძაია,.

„რეკლამაში პირდაპირ ნათქვამია, რომ დახვეწილ ევროპულ სისტემებში პრეზიდენტის არჩევა ხდება პარლამენტის მიერ და არ ხდება ხალხის მიერ, რაც არის უბრალოდ მიზანმიმართული ტყუილი, რადგან ევროპული საპარლამენტო რესპუბლიკების უმეტესობაში პრეზიდენტის არჩევა ხდება პირდაპირ, ხალხის მიერ",- აცხადებს თავისუფალი დემოკრატების პოლიტიკური მდივანი ნინო გოგუაძე.

საჩივრის მიხედვით, „თავისუფალი დემოკრატები-რესპუბლიკელები“ მოითხოვენ, მიეცეს გაფრთხილება საზოგადოებრივ მაუწყებელს და დაევალოს შეწყვიტოს აღნიშნული რეკლამის გაშვება ეთერში.

საჩივრის ხელმომწერები არიან: „თავისუფალი დემოკრატების“ პოლიტიკური მდივანი ნინო გოგუაძე, აღმასრულებელი მდივანი თამარ კეკენაძე, რესპუბლიკური პარტიის თავმჯდომარე ხათუნა სამნიძე და პოლიტიკური მდივანი თამარ კორძაია.

მსგავსი სიახლეები

სოციალური ქსელი

როცა ბოროტი რეჟიმი ინგრევა, კაცი ამ ბოროტებას სწორედ მაშინ არ უნდა წაეშველოს. თან, მთელი 20 000 ლარით - ირმა ინაშვილი მამუკა ბახტაძეზე ძალიან სამარცხვინოა - მერაბ მეტრეველი პრემიერ-მინისტრობის კანდიდატზე ბიძინას ტვინის ვისაც გჯერათ, მერე მელაპარაკეთ, სასიძოს პრემიერად რომ წარადგენს - ნიკა გვარამია არ მგონია მასზე ხელის შეწმენდა სამართლიანი იყოს - კობა დავითაშვილი პრემიერ-მინისტრის გადადგომაზე მთავრობის გადადგომას რა ლეგიტიმაციით ითხოვთ თქვე ,,გოუცრელი ჭადით გაზრდილებო"?! - ჯაბა ხუბუა ეშმაკთან რომ პირი შეკარი შენ, "ქართულო ოცნებავ", ეს ღუპავს ქვეყანას - ირმა ინაშვილი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.46
  • 2.84
  • 3.23
  • 0.04
  • 0.52
  • 1.45