გილოცავთ ჩვენო ამერიკელო მეგობრებო! - ირაკლი კობახიძე ამერიკელ ხალხს ამერიკის შეერთებული შტატების დამოუკიდებლობის დღეს ულოცავს

სამშაბათი, 04 ივლისი, 2017 - 14:11

საქართველოს პარლამენტის თავმჯდომარე ირაკლი კობახიძე ამერიკელ ხალხს ამერიკის შეერთებული შტატების დამოუკიდებლობის დღეს ულოცავს.

"ჩვენს ერთგულ მეგობარს და მოკავშირეს გულითადად ვულოცავ მთავარ ეროვნულ დღესასწაულს - დამოუკიდებლობის დღეს! ამ დღეს დაიბადა მსოფლიო დემოკრატიისა და თავისუფლების მთავარი საყრდენი, რომელიც თავისი მოკავშირეებისთვის და პარტნიორებისთვის გახდა, ასევე, უმნიშვნელოვანესი საფუძველი დემოკრატიული ღირებულებების განვითარების, თავისუფლებისა და მშვიდობისკენ სწრაფვის გზაზე.

უკვე 25 წელია, ამერიკის შეერთებული შტატები ერთგულად გვერდში უდგას საქართველოს. ფასდაუდებელია მისი წვლილი და ამაგი ჩვენი ქვეყნის განვითარებისა და ევროპული და ევროატლანტიკური ინტეგრაციის გზაზე. ვისარგებლებ შემთხვევით და ჩვენს ამერიკელ მეგობრებს კიდევ ერთხელ ვუხდი მადლობას საქართველოს სუვერენიტეტისა და ტერიტორიული მთლიანობის, ასევე მისი დასავლური მისწრაფებების ურყევი მხარდაჭერისთვის. ხაზგასმით მინდა აღვნიშნო, რომ ამ მხარდაჭერას ქართველი ერი დიდად აფასებს.

განსაკუთრებით, მინდა მივულოცო ეს დღე საქართველოში ამერიკის შეერთებული შტატების დიპლომატიურ წარმომადგენლობას, საგანგებო და სრულუფლებიან ელჩს საქართველოში, ბატონ იან კელის და კიდევ ერთხელ, მადლობა გადავუხადო გაწეული საქმიანობისთვის. გილოცავთ ჩვენო ამერიკელო მეგობრებო! დარწმუნებული ვარ, რომ ჩვენს ქვეყნებს შორის არსებული მჭიდრო და მეგობრული ურთიერთობა მომავალში კიდევ უფრო გაღრმავდება და მნიშვნელოვან სარგებელს მოუტანს მსოფლიო კეთილდღეობას, მშვიდობასა და სტაბილურობას. ირაკლი კობახიძე 

მსგავსი სიახლეები

სოციალური ქსელი

რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე დღეს, ვინც ქოცების კრიტიკისთვის ტაშს მიკრავთ, ხვალ ნაცების გაკრიტიკებისთვის დედას მაგინებთ - სულა სულაშვილი ქვეყანა ღერძიდან გადაღუნა და ესენი ღლიცინებენ, ბიძინა "ხიხო" არისო - სულა სულაშვილი

გამოკითხვა

ვის ისურვებდით დედაქალაქის მერად

ვალუტა

  • 2.4
  • 2.76
  • 3.11
  • 0.04
  • 0.68
  • 1.42