ევროპის ჩემპიონატის წინ 19-წლამდელთა ნაკრები მინისტრმა გაამხნევა

ოთხშაბათი, 28 ივნისი, 2017 - 21:49

საქართველოს 19-წლამდელთა ნაკრები დღეს სპორტისა და ახალგაზრდობის საქმეთა მინისტრმა ტარიელ ხეჩიკაშვილმა მოინახულა. გიორგი ყიფიანის გუნდი 2-15 ივლისს საქართველოში დაგეგმილი ევროპის ჩემპიონატისთვის მზადებას განაგრძობს.

„მალე ჩვენი ქვეყანა ძალიან მნიშვნელოვან შეჯიბრებას უმასპინძლებს, სადაც სწორედ თქვენ უნდა დაიცვათ საქართველოს ღირსება. ფეხბურთი ჩვენთან ძალიან პოპულარულია და ამის შეხსენება, ვიცი, არ გჭირდებათ, მაგრამ მაინც მსურს გითხრათ, რომ თქვენს გუნდს დღეს, როგორც არასდროს, უდიდესი ყურადღება ექცევა. დარწმუნებული ვარ თითოეული თქვენგანი სრულად გაამართლებს იმ იმედს, რომელსაც გულშემატკივარი თქვენზე ამყარებს. 19- წლამდელთა ევროპის ჩემპიონატზე წარმატებული თამაში სწორედ ის გზაა, რომელიც დიდი ფეხბურთისკენ მიმავალ გზას გიჩვენებთ. მინდა მთელი ქვეყნის სახელით ევროპის ჩემპიონატზე წარმატებული თამაში და გამარჯვება გისურვოთ“, - განაცხადა ტარიელ ხეჩიკაშვილმა ავთანდილ ღოღობერიძის სახელობის ფეხბურთის ფედერაციის ტექნიკურ ცენტრში ვიზიტისას.

გიორგი ყიფიანი „ბასაზე“ გაფართოებული შემადგენლობით ემზადება, რამდენიმე დღეში კი იმ 18 მოთამაშეს დაასახელებს, რომლებიც ევროპის ჩემპიონატზე იასპარეზებენ. 30 ივნისიდან საქართველოს და ევროპის ჩემპიონატის მონაწილე კიდევ 7 გუნდს სასტუმრო „ჰუალინგი“ უმასპინძლებს.

საქართველოს 19-წლამდელთა ნაკრები ევროპის ჩემპიონატზე პირველ შეხვედრას 2 ივლისს, გორში, თენგიზ ბურჯანაძის სახელობის სტადიონზე ჩაატარებს. მეტოქე ჩემპიონატის ერთ-ერთი ფავორიტი პორტუგალია იქნება.

მსგავსი სიახლეები

სოციალური ქსელი

როცა ბოროტი რეჟიმი ინგრევა, კაცი ამ ბოროტებას სწორედ მაშინ არ უნდა წაეშველოს. თან, მთელი 20 000 ლარით - ირმა ინაშვილი მამუკა ბახტაძეზე ძალიან სამარცხვინოა - მერაბ მეტრეველი პრემიერ-მინისტრობის კანდიდატზე ბიძინას ტვინის ვისაც გჯერათ, მერე მელაპარაკეთ, სასიძოს პრემიერად რომ წარადგენს - ნიკა გვარამია არ მგონია მასზე ხელის შეწმენდა სამართლიანი იყოს - კობა დავითაშვილი პრემიერ-მინისტრის გადადგომაზე მთავრობის გადადგომას რა ლეგიტიმაციით ითხოვთ თქვე ,,გოუცრელი ჭადით გაზრდილებო"?! - ჯაბა ხუბუა ეშმაკთან რომ პირი შეკარი შენ, "ქართულო ოცნებავ", ეს ღუპავს ქვეყანას - ირმა ინაშვილი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.46
  • 2.84
  • 3.23
  • 0.04
  • 0.52
  • 1.45