მე პუტინის ფანი ვარ და სიხარულით ვასრულებ მის თხოვნას - მარადონა მოსკოვში ჩადის

ორშაბათი, 26 ივნისი, 2017 - 17:40

ლეგენდარული არგენტინელი ფეხბურთელი დიეგო მარადონა  აღიარებს, რომ რუსეთის პრეზიდენტის  ვლადიმერ პუტინის ფანია და მისი თხოვნით, მალე მოსკოვში ჩავა და პირისპირ შეხვდება, - იუწყება არგენტინული გამოცემა Ole.

გამოცემა ვარაუდობს, რომ მარადონამ, შესაძლოა, მონაწილეობა მიიღოს ფეხბურთში  2018 წლის მსოფლიო ჩემპიონატის გახსნის ცერემონიალის ორგანიზებაში.

"მან დამირეკა და რაღაც მთხოვა მსოფლიო ჩემპიონატი - 2018-სთვის, რომელიც  რუსეთში  გაიმართება. მე ვარ  პუტინის გულშემატკივარი და სიხარულით შევასრულებ მის თხოვნას", - განაცხადა მარადონამ. 

FIFA -ს მიერ  მეოცე საუკუნის  საუკეთესო ფეხბურთელად აღიარებული მარადონას თქმით,   რუსეთის პრეზიდენტი  მას რამდენიმე თვის წინ დაუკავშირდა, ახლო მომავალში კი პირადად შეხვდება მას.

კრემლს მარადონას  მსოფლიო ჩემპიონატის  ორგანიზებაში შესაძლო მონაწილეობის შესახებ ჯერჯერობით კომენტარი არ გაუკეთებია,

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.92
  • 3.28
  • 0.04
  • 0.67
  • 1.46