პრეზიდენტი კიდევ ერთხელ დაუპირისპირდა საქართველოს პარლამენტს - ირაკლი კობახიძემ რიგგარეშე სხდომა დანიშნა

სამშაბათი, 20 ივნისი, 2017 - 20:19

 პარლამენტის თავმჯდომარემ საკონსტიტუციო ცვლილებების რიგგარეშე სხდომებზე განხილვასთან დაკავშირებით კომენტარი გააკეთა და მოქმედი კონსტიტუციის და მომზადებული ცვლილებების არსებით განსხვავებაზე ისაუბრა.

„ხვალ გაიმართება პარლამენტის რიგგარეშე სხდომა, რადგან პარლამენტს აქვს ამის უფლება. მიუხედავად იმისა, რომ რეალურად პრეზიდენტი კიდევ ერთხელ დაუპირისპირდა საქართველოს პარლამენტს, ხვალ შეიკრიბება პარლამენტი და განიხილება ახალი დოკუმენტი - კონსტიტუციაში ცვლილებების შეტანის კანონპროექტი, რომელიც ძალიან დახვეწილ საპარლამენტო მართველობის სისტემას აყალიბებს და სამართლებრივ პრინციპებთან სრულ შესაბამისობაშია. დღევანდელ კონსტიტუციასა და ახალ ცვლილებებს შორის განსხვავება ძალიან მარტივია. დღევანდელი კონსტიტუცია ავტოკრატიის ჩამოყალიბების შესანიშნავ საშუალებას იძლევა და ეს იყო თავის დროზე ამ კონსტიტუციის შექმნის მიზანი. რაც შეეხება ახალ დოკუმენტს - იგი მთლიანად გამორიცხავს ავტოკრატიას. აქედან გამომდინარე, ჩვენი ვალია ბოლომდე მივიყვანოთ ეს პროცესი და ეს არის ჩვენი პასუხისმგებლობა“, - განაცხადა ირაკლი კობახიძემ.

პარლამენტის თავმჯდომარემ ოპოზიციის წარმომადგენელთა განცხადებებსაც გამოეხმაურა და ოპოზიციის თვითმიზანზე ისაუბრა.

„რაც შეეხება კონსენსუსის არარსებობას, ეს არის იმის დამსახურება, რომ სამწუხაროდ, ოპოზიცია ვერ ავლენს სიმწიფის სათანადო ხარისხს. ამ პროცესების განმავლობაში ეს არაერთხელ დადასტურდა და ეს არის სამწუხარო რეალობა. რეალურად გამოჩნდა, რომ თვითმიზანი იყო პროცესთან დაპირისპირება და ჩვენ ამ ყველაფრის მომსწრენი ვართ“, - აღნიშნა ირაკლი კობახიძემ.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.54
  • 3.12
  • 3.51
  • 0.05
  • 0.68
  • 1.5