ევროპარლამენტარები აფგან მუხთარლის საქმესთან დაკავშირებით საქართველოსა და აზერბაიჯანის ხელისუფლებას მიმართავენ

ხუთშაბათი, 15 ივნისი, 2017 - 20:12

ევროპარლამენტარებმა სტრასბურგში გამართულ სესიაზე ხმათა უმრავლესობით რეზოლუცია მიიღეს, სადაც აზერბაიჯანელი ჟურნალისტის აფგან მუხთარლის საქმესთან დაკავშირებით საქართველოსა და აზერბაიჯანის ხელისუფლებას მიმართავენ.

ევროპარლამენტარები საქართველოს ხელისუფლებას მოუწოდებენ, საქმე გამოძიონ და გააქარწყლონ აზერბაიჯანელი ჟურნალისტის გაუჩინარების საქმეში ქართული სპეცსამსახურების მონაწილეობის შესახებ გამოთქმული ეჭვები, ხოლო აზერბაიჯანის მთავრობას ჟურნალისტის პატიმრობიდან უპირობო გაათავისუფლებისკენ მოუწოდებენ.

ევროპარლამენტარების მიერ მიღებულ რეზოლიციაში აფგან მუხთარლის საქართველოდან აზერბაიჯანში მოხვედრა გატაცებადაა შეფასებული. 5-გვერდიანი რეზოლუცია სათაურით „აფგან მუხთარლის საქმე და მედიის კუთხით არსებული ვითარება აზერბაიჯანში" ევროპარლამენტმა სტრასბურგში ხმათა უმრავლესობით მიიღო და თბილისსა და ბაქოს მომხდარზე თანაბარი პასუხისმგებლობა დააკისრა.

რეზოლუციის დამტკიცებას აზერბაიჯანელი ჟურნალისტის მეუღლეც ესწრებოდა.

აზერბაიჯანელი ჟურნალისტი აფგან მუხთარლი, რომელიც საქართველოში ოჯახთან ერთად ცხოვრობს, 29 მაისს გაუჩინარდა. როგორც მოგვიანებით აღმოჩნდა, ჟურნალისტი ბაქოში სამართალდამცველების ხელში აღმოჩნდა და მას აზერბაიჯანის მხარემ ბრალი უკანონოდ საზღვრის გადაკვეთასა და ფულის კონტრაბანდაში წაუყენა, რისთვისაც სამთვიანი წინასწარი პატიმრობა შეეფარდა.

როგორც მისი ადვოკატი აცხადებს, აზერბაიჯანელი ჟურნალისტი გატაცებასა და აზერბაიჯანის მხარისთვის გადაცემაში ქართულ სპეცსამსახურებს ადანაშაულებს.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5