დესტრუქცია და კონსტრუქცია ერთმანეთთან შეუთავსებელია - ირაკლი კობახიძე პრეზიდენტის დესტრუქციულობაზე საუბრობს

პარასკევი, 09 ივნისი, 2017 - 17:47

საქართველოს პარლამენტის თავმჯდომარე ვენეციის კომისიის წინასწარი დასკვნის გასაჯაროების შესახებ საუბრობს.

„ვენეციის კომისია გვეუბნებოდა, რომ მათთვის პრინციპულად მნიშვნელოვანი იყო ამ ეტაპზე დოკუმენტის გაგზავნა მხოლოდ ჩვენთვის და პრეზიდენტისთვის. ასეთი იყო მათი მხრიდან მოწოდებული ინფორმაცია. ქალბატონ თამარ ჩუგოშვილს ჰქონდა კომუნიკაცია ვენეციის კომისიასთან. ჩვენ ვეყრდნობოდით ამ ინფორმაციას. გარდა ამისა, როგორც სხდომაზე უკვე აღვნიშნე, გუშინ ქალბატონმა ფიქრია ჩიხრაძემ ბრძანა, რომ ისინი გაეცნენ წინასწარ დოკუმენტს. ეს არის მისი სიტყვები. ყველაფერი ეს, რა თქმა უნდა, აჩენს ლეგიტიმურ ეჭვს. ჩვენ ვსაუბრობთ ამ ლეგიტიმურ ეჭვზე“, - განაცხადა საქართველოს პარლამენტის თავმჯდომარემ ჟურნალისტებთან საუბრისას.

პარლამენტის თავმჯდომარის შეფასებით, პრეზიდენტის ქმედებები დესტრუქციულია. ირაკლი კობახიძემ აღნიშნა, რომ საქართველოს პრეზიდენტი სახელმწიფო საკონსტიტუციო კომისიის მუშაობაში არ ჩაერთო და ოთხი თვის განმავლობაში მისი მხრიდან ისმოდა დაუსაბუთებელი კრიტიკა:

„ოთხი თვის განმავლობაში, პრეზიდენტი არ ჩაერთო კომისიის მუშაობაში და ოთხი თვის განმავლობაში ჩვენ გვესმოდა მუდმივი, აბსოლუტურად დაუსაბუთებელი „კრიტიკა“. გარდა ამისა, მან დაიწყო კამპანია სახელმწიფო საკონსტიტუციო კომისიის წინააღმდეგ. შემდეგ გაგრძელდა ეს კამპანია საქართველოს პარლამენტის წინააღმდეგ. ამას ყველა ხედავთ, რა ხდება, როგორი მიდგომაა პრეზიდენტის მხრიდან ამ პროცესის მიმართ და ამის პარალელურად, პრეზიდენტი საუბრობს კონსენსუსზე, საუბრობს გარკვეულ ვადებზე. ბუნებრივია, ასეთ პირობებში პრეზიდენტს არანაირი მორალური უფლება არა აქვს გააკეთოს მითითებები რაიმე კონსენსუსზე, ან ვადებთან დაკავშირებით. მისი ქმედებები არის დესტრუქციული. დესტრუქცია და კონსტრუქცია ერთმანეთთან არის შეუთავსებელი“, - განაცხადა ირაკლი კობახიძემ.

 

მსგავსი სიახლეები

სოციალური ქსელი

ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე დღეს, ვინც ქოცების კრიტიკისთვის ტაშს მიკრავთ, ხვალ ნაცების გაკრიტიკებისთვის დედას მაგინებთ - სულა სულაშვილი ქვეყანა ღერძიდან გადაღუნა და ესენი ღლიცინებენ, ბიძინა "ხიხო" არისო - სულა სულაშვილი ან მე გავგიჟდი, ანდა იურისტთა უმრავლესობას „მარტივი ჭეშმარიტების დანახვა და აღიარება“ არ სურს - გიორგი მარიამიძე

გამოკითხვა

ვის ისურვებდით დედაქალაქის მერად

ვალუტა

  • 2.41
  • 2.69
  • 3.07
  • 0.04
  • 0.69
  • 1.43