თამამი ექსპერიმენტი - ამერიკელი მეცნიერები გარდაცვლილების გაცოცხლებას ღეროვანი უჯრედებით შეეცდებიან

სამშაბათი, 06 ივნისი, 2017 - 22:55

ამერიკული კომპანია  Bioquark ექსპერიმენტს იწყებს, რომლითაც გარდაცვლილი ადამიანების ტვინის აღდგენას  ღეროვანი უჯრედებით შეეცდებიან.

STAT-ის ვერსიით, თამამი ექსპერიმენტის განხორციელება  ამ წელიწადში იგეგმება. თავდაპირველად მკვლევრები 20 გარდაცვლილის სხეულში  ღეროვანი უჯრედების  ინექციას, შემდეგ მათი ზურგის ტვინიდან  აღებულ სპეციალურ პროტეინის ნაზავს შეიყვანენ, რამაც ახალი ნეირონების ზრდა უნდა გამოიწვიოს.

15 დღის განმავლობაში მეცნიერები ლაზერულ თერაპიას ჩაატარებენ, რომლის მეშვეობითაც ნეირონები ერთმანეთთან კავშირებს დაამყარებენ. მთელი ამ დროის განმავლობაში მკვლევარები თავის ტვინში მიმდინარე პროცესებს  დააკვირდებიან.

იმ შემთხვევაში, თუ ტვინის აქტივობა აღდგენას დაიწყებს, Bioquark-ის თანამშრომლებს ეთიკის მხრივ პრობლემები შეექმნებათ, რადგან გარდაცვლილები ექსპერიმენტში მონაწილეობაზე თანხმობას არ აცხადებენ.

ამასთან, შუა ნერვის სტიმულირებამ, რაც  ექსპერიმენტში  იქნება გამოყენებული,  კომაში მკურნალობის დროს საკმაოდ შეზღუდული შედეგები აჩვენა.

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61