აზერბაიჯანელი ჟურნალისტის მეუღლესა და შვილებს უსაფრთხოების დამატებითი გარანტიები შესთავაზეს

, 04 ივნისი, 2017 - 11:43

შინაგან საქმეთა მინისტრის მოადგილე შალვა ხუციშვილი აზერბაიჯანელი ჟურნალისტის, აფგან მუხთარლის მეუღლეს, ლეილა მუსტაფაევას და მის ადვოკატს შეხვდა.

შეხვედრაზე მიმდინარე ვითარებასთან დაკავშირებით იმსჯელეს. შალვა ხუციშვილმა ლეილა მუსტაფაევას და მის შვილებს უსაფრთხოების დამატებითი გარანტიები შესთავაზა.

აზერბაიჯანელი ჟურნალისტი აფგან მუხთარლი, რომელიც საქართველოში ცხოვრობდა,  29 მაისს გაუჩინარდა. როგორც მოგვიანებით აღმოჩნდა, ჟურნალისტი ბაქოში აღმოჩნდა და მას აზერბაიჯანის  მხარემ ბრალი უკანონოდ საზღვრის გადაკვეთასა და ფულის კონტრაბანდაში წაუყენა, რისთვისაც  სამთვიანი წინასწარი პატიმრობა შეეფარდა.  

როგორც მისი ადვოკატი აცხადებს, აზერბაიჯანელი ჟურნალისტი გატაცებასა და აზერბაიჯანის მხარისთვის გადაცემაში ქართულ სპეცსამსახურებს ადანაშაულებს.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46