კლიმატის ცვლილება უახლოეს მომავალში პლანეტისთვის კატასტროფული აღმოჩნდება - WMO

ოთხშაბათი, 31 მაისი, 2017 - 20:37

მსოფლიო მეტეოროლოგიურმა ორგანიზაციამ (WMO) გლობალური კლიმატის შესახებ წლიური ანგარიში გამოაქვეყნა, სადაც აღნიშნულია, რომ კლიმატის ცვლილება უახლოეს მომავალში პლანეტისთვის კატასტროფული აღმოჩნდება.

ანგარიშის მიხედვით, 2016 წელი მსოფლიო ისტორიაში ყველაზე თბილი იყო,  წინა წლებთან შედარებით საშუალო ტემპერატურა 1,1 ° C-ით მაღალი დაფიქსირდა და 2001 წლიდან  ყოველ მომდევნო წელს ტემპერატურა თითქმის ერთი გრადუსით იმატებს.

-  საშუალო ტერპერატურის მატება დაფიქსირდა ზღვების ზედაპირზე, ზღვის დონე  განაგრძობს მატებას, ხოლო არქტიკაში ყინულის მასა საშუალო მაჩვენებელზე დაბალი გახდა. ამავე დროს, ატმოსფეროში ნახშირორჟანგის რაოდენობის ჩანაწერი ახალ რეკორდებს ამყარებს,  ადამიანის საქმიანობის გავლენა კლიმატზე  უფრო და უფრო აშკარა ხდება, - აცხადებს მსოფლიო მეტეოროლოგიური ორგანიზაციის  გენერალური მდივანი პეტრი ტაალასი.

 კლიმატოლოგები მიიჩნევენ, რომ კლიმატის ცვლილება დედამიწაზე სხვადასხვა ანომალიებს იწვევს და კალიფორნიის დატბორვას, ბრაზილიის გვალვებს, ხანძრებს კანადაში და მიწისძვრებს იტალიაში ამ პროცესებს უკავშირებენ.

შესაბამისად, მეცნიერთა პროგნოზებით,  2017 წელი უარესი იქნება - ოკეანის ტემპერატურა გაიზრდება და  მთელს პლანეტაზე მნიშვნელოვან ცვლილებებს გამოიწვევს, "ჩვენ ახლა ნამდვილად მოულოდნელობებით სავსე ტერიტორიაზე ვიმყოფებით".

ანგარიშის თანახმად, კვლევებმა აჩვენა, რომ არქტიკაში ყინულის დნობა იწვევს ოკეანური და ატმოსფერული ცირკულაციის ცვლილების გააქტიურებას, რაც  გავლენას ახდენს დანარჩენ მსოფლიოში ამინდზე - ტემპერატურა კანადასა და შეერთებულ შტატებში უჩვეულოდ მაღალი იყო, 2017 წლის დასაწყისში არაბეთის ნახევარკუნძულსა და ჩრდილოეთ აფრიკაში ამინდი უჩვეულოდ ცივი, ხოლო    იანვარში და თებერვალში  ძალიან მაღალი სიცხე დაფიქსირდა ავსტრალიაში.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.54
  • 3.11
  • 3.52
  • 0.04
  • 0.67
  • 1.5