ბორჯომში ჯომარდობის ევროპის ჩემპიონატი ოფიციალურად გაიხსნა.

სამშაბათი, 23 მაისი, 2017 - 18:42

ბორჯომის ხეობაში, სოფელ ჩითახევში მდინარე მტკვარზე მოეწყო ჯომარდობის ევროპის ჩემპიონატის წინა-საჩვენებელი დაშვება. მოგვიანებით, ბორჯომში (სილამაზის ხიდის მიმდებარე ტერიტორიაზე) გაიმართა ევროპირველობის ოფიციალური გახსნის ცერემონიალი.

ევროპის ჩემპიონატი ჩითახევში 28 მაისის ჩათვლით გაგრძელდება. ევროპირველობისთვის სამზადისს სპორტისა და ახალგაზრდობის საქმეთა მინისტრი ტარიელ ხეჩიკაშვილი გაეცნო და ჯომარდობის მსოფლიო ფედერაციის პრეზიდენტთან ჯო ვილის ჯონსთან და საქართველოს ჯომარდობის ფედერაციის პრეზიდენტთან დავით ქაცარავასთან ერთად ბოლო საორგანიზაციო საკითხებზე და უსაფრთხოების უზრუნველყოფაზე ისაუბრა.

ევროპის ჩემპიონატის უსაფრთხოების დირექტორი იქნება - მიხაილ მარეცი, შეჯიბრების სამსახურს გორან ლოლიჩი, ხოლო მსაჯთა კორპუსს ერიკ ბოდრო უთავკაცებს. ჯომარდობის ევროპის ჩემპიონატი ჩატარდება სპორტისა და ახალგაზრდობის საქმეთა სამინისტროს ორგანიზებით და ბორჯომის მუნიციპალიტეტის გამგეობის მხარდაჭერით.

ევროპის ჩამპიონატი ჯომარდობაში იმ 13 სპორტული ღონისძიების რიცხვშია, რომელიც გაერთიანებულია პროექტში Check in Georgia Sport.

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.19
  • 3.59
  • 0.05
  • 0.68
  • 1.6