ირაკლი კობახიძე პოლონეთის სეიმის მარშალს შეხვდა

ოთხშაბათი, 17 მაისი, 2017 - 16:36

საქართველოს პარლამენტის თავმჯდომარის ვიზიტი ვარშავაში დაიწყო. პირველი მაღალი რანგის შეხვედრა ირაკლი კობახიძემ პოლონეთის სეიმის მარშალთან, მარეკ კუჩინსკისთან გამართა. მარეკ კუჩინსკიმ საქართველოს პარლამენტის თავმჯდომარეს სტუმრობისთვის მადლობა გადაუხადა.

როგორც შეხვედრაზე აღინიშნა, მხარეები მოხარულნი არიან, რომ საქართველოსა და პოლონეთს შორის 25 წლიანი დიპლომატიური ურთიერთობა მჭიდრო თანამშრომლობით აღინიშნება. ირაკლი კობახიძემ პოლონეთის სეიმის მარშალს საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა.

როგორც მარეკ კუჩინსკიმ განაცხადა, პოლონეთი ასევე აქტიურად აგრძელებს საქართველოს საგარეო პრიორიტეტების მხარდაჭერას, მათ შორის, ნატო-სა და ევროკავშირში ინტეგრაციის მიმართულებით.

მხარეებმა ორმხრივი ურთიერთობებისა და მჭიდრო თანამშრომლობის მნიშვნელობაზე ისაუბრეს. შეხვედრაზე შეთანხმდნენ, რომ საქართველოს პარლამენტი და პოლონეთის სეიმი, საპარლამენტო მეგობრობის ჯგუფების ფორმატში, აქტიურად ითანამშრომლებენ. როგორც აღინიშნა, მარეკ კუჩინსკი საქართველოს ივლისში ეწვევა, რაც, მათივე თქმით, ორი ქვეყნის საკანონმდებლო ორგანოს შორის ურთიერთობის გაღრმავებას კიდევ უფრო შეუწყობს ხელს.

„შეხვედრაზე განვიხილეთ თანამშრომლობის, მათ შორის, პარლამენტებს შორის თანამშრომლობისა და ზოგადად, ქვეყნებს შორის სტრატეგიული პარტნიორობის გაღრმავების საკითხები. მათ შორის, საუბარი გვქონდა კონკრეტულ დეტალებზე. იყო ძალიან საინტერესო, თბილი და მნიშვნელოვანი შეხვედრა“,- განაცხადა შეხვედრის დასრულების შემდეგ ირაკლი კობახიძემ.

საქართველოს პარლამენტის თავმჯდომარე პოლონეთის დედაქალაქში 17-20 მაისს ცენტრალური და აღმოსავლეთ ევროპის პარლამენტების თავმჯდომარეების სამიტში იღებს მონაწილეობას.

მსგავსი სიახლეები

სოციალური ქსელი

სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.8
  • 3.07
  • 0.04
  • 0.68
  • 1.39