კომპანია „ჯორჯიან უოთერ ენდ ფაუერი“ სპეციალურ განცხადებას ავრცელებს

ოთხშაბათი, 17 მაისი, 2017 - 11:25

კომპანია „ჯორჯიან უოთერ ენდ ფაუერი“ სამგორის რაიონში, კახეთის გზატკეცილის N63-ის მიმდებარედ, წყალმომარაგების ალტერნატიულ ქსელს მოაწყობს. აღნიშნულ ტერიტორიაზე, „ჯორჯიან უოთერ ენდ ფაუერის“ წყალმომარაგების ქსელზე, რკინა-ბეტონის ნაგებობა სამშენებლო ნორმების დარღვევითაა დაშენებული.

არსებული შენობა-ნაგებობა, წლების განმავლობაში, წყალმომარაგების ქსელის დეფორმაციას იწვევდა და შესაბამისად, ქსელი ხშირად ზიანდებოდა. ამჯერად, დაზიანებული მონაკვეთის აღდგენა ვერ ხერხდება, რადგან შრომის უსაფრთხოების ნორმების დაცვა შეუძლებელია.

მოსამზადებელი სამუშაოების პარალელურად, კახეთის გზატკეცილის N63-თან კომპანიამ ევროსტანდარტის ჩამკეტ-მარეგულირებელი ურდული დაამონტაჟა და წყალსადენის 2 ჭა მოაწყო. შედეგად, ამ მომენტისთვის, მოსახლეობას წყალმომარაგება შეუზღუდავად მიეწოდება.

დაზიანების აღმოფხვრის მიზნით, კახეთის გზატკეცილზე N63-ის მოპირდაპირე მხარეს, აუცილებელი გახდა წყალმომარაგების ალტერნატიული ქსელის მოწყობა და ასფალტის საფარის დემონტაჟი. „ჯორჯიან უოთერ ენდ ფაუერი“ აღნიშნულ ტერიტორიაზე, წყალმომარაგების ქსელზე სამუშაოების დასრულებისთანავე, საგზაო ინფრასტრუქტურას სრულად მოაწესრიგებს.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.62
  • 3.09
  • 3.44
  • 0.04
  • 0.42
  • 1.55