NDI-ის მიერ გამოკითხულთა უმრავლესობა აცხადებს, რომ პრეზიდენტი ხალხმა უნდა აირჩიოს

ორშაბათი, 15 მაისი, 2017 - 16:13

ეროვნულ-დემოკრატიული ინსტიტუტი სოციოლოგიური გამოკითხვის შედეგების ნაწილს ასაჯაროვებს. NDI-ის მიერ გამოკითხულთა უმრავლესობა აცხადებს, რომ მათ შეხედულებებთან არც ერთი პოლიტიკური პარტია ახლოს არ დგას.   29% მიიჩნევს, რომ მათ შეხედულებებთან ყველაზე ახლოს ქართული ოცნება დგას, 10% ერთიანი ნაციონალური მოძრაობას ასახელებს, 4% პატრიოტთა ალიანსს, 3% კი ლეიბორისტულ პარტიას.  

კვლევის მიხედვით, გამოკითხულთა 84% მიიჩნევს, რომ საქართველოს პრეზიდენტის არჩევა პირდაპირი წესით უნდა მოხდეს. მხოლოდ 9% ფიქრობს, რომ პრეზიდენტი უნდა აირჩიონ ხალხის მიერ არჩეულმა წარმომადგენლებმა.  ასევე გამოკითხულთა უმრავლესობა არ ეთანხმება მაჟორიტარული საარჩევნო სისტემის გაუქმებას. კვლევის მიხედვით, საქართველოში მაჟორიტარული სისტემის შენარჩუნებას 47% ემხრობა.

რაც შეეხება პოლიტიკური ლიდერების საქმიანობას, საქართველოს პრეზიდენტის საქმიანობას კარგად და ძალიან კარგად ჯამში 27% აფასებს, მეორე ადგილზეა პრემიერი გიორგი კვირიკაშვილი 2%-ით, შემდეგ პარლამენტის თავმჯდომარე ირაკლი კობახიძე 15%-ით, თბილისის მერი კი 8%-ით.  

 მთავრობის წევრთა საქმიანობის შეფასებისას, ყველაზე პოზიტიურად გამოკითხულებმა ჯანმრთელების მინისტრის საქმიანობა შეაფასეს, ყველაზე მაღალი ნეგატიური მაჩვენებელი კი ფინანსთა მინისტრს, დიმიტრი ქუმსიშვილს აქვს. 

NDI-ის მიერ ჩატარებული საზოგადოებრივი აზრის კვლევის მიხედვით, გამოკითხულთა 79% "რუსთავი 2"-ის ირგვლივ განვითარებული მოვლენების შესახებ საქმის კურსშია. 56%-ს მიაჩნია, რომ რუსთავი 2-ის საქმეში მთავრობის მხრიდან ჩარევას ქონდა ადგილი. 

ეროვნულ-დემოკრატიულმა ინსტიტუტმა შედეგები სპეციალურ ბრიფინგზე გაასაჯაროვა.

გამოკითხვა 7-28 აპრილის პერიოდში ჩატარდა და საქართველოს მასშტაბით 2,493 პირი პირისპირ ინტერვიუს წესით გამოიკითხა.  კვლევაში საშუალო ცდომილების ზღვარი  +/- 2,7 პროცენტია. 

 NDI-ის კვლევები ხორციელდება დიდი ბრიტანეთის მთავრობის ფინანსური ხელშეწყობით და მას ატარებს სი-არ-არ-სი საქართველო.  

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46