14 მაისს, 09:00 საათიდან 12:00 საათამდე, ჭავჭავაძის, მელიქიშვილის, რუსთაველის გამზირებსა და თავისუფლების მოედანზე ტრანსპორტის გადაადგილება შეიზღუდება - შსს განცხადებას ავრცელებს

პარასკევი, 12 მაისი, 2017 - 11:14

შინაგან საქმეთა სამინისტრო საგზაო მოძრაობის კამპანიის უსაფრთხოების კვირეულისა და ევროპის დღეებთან დაკავშირებით განცხადებას ავრცელებს.

შსს-ს საგზაო მოძრაობის კამპანიის უსაფრთხოების კვირეულის და ევროპის დღეების ფარგლებში, მიმდინარე წლის 14 მაისს თბილისში გაიმართება ველო-გარბენი - „გზა ევროკავშირისკენ“. შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ აღნიშნულ ღონისძიებასთან დაკავშირებით, საზოგადოებრივი წესრიგის და საგზაო მოძრაობის უსაფრთხოების დაცვის მიზნით, გარბენის დროს, 09:00 საათიდან 12:00 საათამდე, ყველა სახის სატრანსპორტო საშუალებით გადაადგილება შეიზღუდება: ი. ჭავჭავაძის გამზირზე, პ. მელიქიშვილის გამზირზე, რუსთაველის გამზირზე და თავისუფლების მოედანზე. მოძრაობა ასევე შეიზღუდება აღნიშნული გამზირების და თავისუფლების მოედნის მკვეთ ყველა ქუჩაზე. ველო-გარბენი სტარტს ვაკის პარკის ცენტრალური შესასვლელიდან აიღებს და თავისუფლების მოედანზე დასრულდება, - ნათქვამია განცხადებაში.

 

მსგავსი სიახლეები

"ახალი საქართველო"-ს ტელე არქივი

სოციალური ქსელი

გამოკითხვა

გაუმჯობესდა თუ არა თქვენი ოჯახის ეკონომიკური მდგომარეობა

ვალუტა

  • 2.41
  • 2.69
  • 3.13
  • 0.04
  • 0.67
  • 1.42