„ალჯაზირა“-ს ეთერში აჭარის შესახებ მომზადებული სარეკლამო კლიპი იტრიალებს

ორშაბათი, 01 მაისი, 2017 - 12:46

აჭარის ტურიზმის დეპარტამენტმა რეგიონის ტურისტულ პოტენციალს რეკლამირება შუა აზიის ყველაზე მასშტაბურ და მნიშვნელოვან გამოფენაზე გაუწია.

დუბაის საერთაშორისო ტურისტულ გამოფენაზე ATM-2017 დეპარტამენტი საქართველოს ტურიზმის ეროვნულ ადმინისტრაციასთან და ტურისტულ კომპანიებთან ერთად მონაწილეობდა. არაბი ტურისტებისთვის საქართველო ახალი და საინტერესო ტურისტული მიმართულებაა. შედეგად, საქართველოს სტენდი ტურისტულ კომპანიებსა და ვიზიტორებს შორის პოპულარობით სარგებლობდა.

დეპარტამენტისა და ეროვნული ადმინისტრაციის თანამშრომლებთან ერთად გამოფენაზე 32 ქართული ტურისტული კომპანიისა და სასტუმროს წარმომადგენელი ეწეოდა საქართველოს ტურისტული პროდუქტებისა და შესაძლებლობების პოპულარიზაციას. ამას ემატებოდა, ქართული ფოლკლორი, რომელმაც ვიზიტორების განსაკუთრებული მოწონება დაიმსახურა.

აჭარის ტურიზმის დეპარტამენტისთვის არაბეთის გაერთიანებული საამიროები ახალი სამიზნე ტურისტული ბაზარია, საიდანაც გასულ წელს, რეგიონში 6 953 არაბი ტურისტი ისვენებდა.

„ზოგადად, ძალიან დიდია ინტერესი საქართველოს, როგორც ახალი ტურისტული მიმართულების მიმართ. ჩვენი პოტენციური ტურისტები განსაკუთრებულ ინტერესს მთისა და მასთან დაკავშირებული ტურისტული პროდუქტების მიმართ იჩენდნენ. ამიტომ კონკრეტულად, აჭარის რეკლამირებისას ჩვენც აქცენტს უფრო ეკოტურისტულ, სამთო-სათხილამურო და სათავგადასავლო მარშრუტებზე ვაკეთებდით. ჩვენ ვგეგმავთ მედიატურის ფარგლებში ჩამოვიყვანოთ არაბულ ბაზარზე და არამარტო იქ პოპულარული ტელეკომპანია „ალჯაზირა“-ს გადამღები ჯგუფი. რეგიონის შესახებ მომზადებული სიუჟეტები და სარეკლამო ვიდეო რგოლი, რომელსაც მაისში გადავიღებთ იტრიალებს ალჯაზირას ეთერში,“ აღნიშნა ლილი კეკუამ არაბეთის გაერთიანებული საამიროების კოორდინატორმა აჭარის ტურიზმის დეპარტამენტში.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5