ყველაზე ჯანმრთელი და ბედნიერი ხალხი მთელ მსოფლიოში, რომლებიც არ ავადდებიან და 120 წლამდე ცოცხლობენ

ორშაბათი, 24 აპრილი, 2017 - 23:21

მთელი მსოფლიოს მასშტაბით,  ყველაზე ჯანმრთელი და ბედნიერი ხალხი მთელ მსოფლიოში, რომლებიც არ ავადდებიან და 120 წლამდე ცოცხლობენ, ჰუნზები აღმოჩნდნენ. ყველა ჰუნზა ჯანმრთელია და მათ მხოლოდ ძვლების მოტეხილობა ან თვალის ანთება თუ შეაწუხებთ. 

მათი სიცოცხლის საშუალო  ხანგრძლივობა 110-120 წელს შეადგენს, გამოირჩევიან  ლამაზი, თხელი სხეულით და მაღალი შრომისუნარიანობით. ას წლამდე ენერგიულად აღწევენ,  65 წლის ქალს შვილის გაჩენა შეუძლია. ბანაობენ ყინულიან წყალში.

მცირერიცხოვანი ტომი, რომელთა რაოდენობა მხოლოდ 15 ათას ადამიანს შეადგენს, სამხედრო ექიმმა მაკ-კარისონმა ინდოეთისა და პაკისტანის საზღვართან აღმოაჩინა.

როგორც აღმოჩნდა,  ჰუნზები ბუნებრივ და  ჯანმრთელ საკვებს ღებულობენ, ჭამენ ცოტას,  მათი საკვები ძალიან დაბალკალორიულია, თუმცა სრულად შეესაბამება ადამიანის ორგანიზმის  ფიზიოლოგიურ მოთხოვნილებებს. ძირითადად იკვებებიან გარგარით, განსაკუთრებით უყვართ მისი კურკები,  მარცვლეულით, ალუბლით, ატმით, ქლიავით. როგორც  ცნობილია, ვიტამინ B17-ს აქვს თერაპიული ეფექტი და კიბოს უჯრედებს ანადგურებს. ზამთარში მათ ძირითად საკვებს ჩირი წარმოადგენს.

 ისინი ცხოვრობენ მთიან რელიეფზე, რომელიც  მოკლებულია ნოყიერ ნიადაგს, ტყეებს და წყაროებს. თუმცა, ტყის ნაცვლად აქვთ ხეხილის ბაღები, მინდვრების ნაცვლად  ბოსტნეულისა და კარტოფილის ნათესები, წყალს კი ოქროს ფასი აქვს და წვიმის დროს ან არხებში აგროვებენ.

ძროხები, თხები და ცხვრები ცოტა ჰყავთ, რძითა და ხორცით იშვიათად იკვებებიან.

ზაფხულში ბუნებაში ცხოვრობენ, ზამთარს ქვის სახლებში, ცხოველებთან ერთად ატარებენ, სადაც ფანჯრები არ არსებობს,  მათ არ აქვთ შეშა, საკვების მოსამზადებლად იყენებენ ტოტებს და ფოთლებს. ცხოვრობენ  ცხელი წყლის გარეშე და არ ხმარობენ საპონს. უმრავლესობამ არ იცის წერა-კითხვა და მხოლოდ ტომის ლიდერების შვილები თუ სწავლობენ რელიგიურ სკოლაში.

ამ ხალხისთვის აქსიომაა, რომ ქორწინება ახლო ნათესავებს შორის მავნეა და  გავლენას ახდენს ადამიანის  ფიზიკურ და ფსიქიკურ ჯანმრთელობაზე, ქორწინდებიან მხოლოდ თავიანთი ტომის წარმომადგენელზე, მათ ძარღვებში "სხვა სისხლი" არ ერევა.

"ჰუნზებს ნერვები ძლიერი აქვთ, როგორც თოკი და თხელი და ფაქიზი, როგორც სიმი. ისინი არასოდეს არ ბრაზდებიან და არ ჩივიან, არ ნერვიულობენ  და არ იჩენენ მოუთმენლობას, არ ჩხუბობენ ერთმანეთში და სრული სულიერი სიმშვიდით გადააქვთ  ფიზიკური ტკივილი, პრობლემები, ხმაური და ასე შემდეგ", - წერს მაკ-კარისონი.

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5