ჩრდილოეთ კორეამ ბირთვული იარაღი ახლა ავსტრალიისკენ მიმართა

, 23 აპრილი, 2017 - 20:58

თუ ავსტრალია გააგრძელებს ამერიკის შეერთებული შტატების მხარდაჭერას ჩრდილოეთ კორეის  იზოლირების მცდელობაში,  ეს იქნება თვითმკვლელი ნაბიჯი და  ჩრდილოეთ კორეის სტრატეგიული ძალები მის ტერიტორიაზე ბირთვულ დარტყმებს განახორციელებს, - წერს The Guardian ჩრდილოეთ კორეის თავდაცვის სამინისტროს წარმომადგენელზე დაყრდნობით.

აღნიშნული მუქარა ავსტრალიის საგარეო საქმეთა მინისტრის ჯული ბიშოპის  ბოლო გამოსვლის საპასუხოდ გაკეთდა.

ჩრდილოეთ კორეის თავდაცვის სამინისტროს წარმომადგენელი ავსტრალიელ დიპლომატს ურჩევს, კიდევ ერთხელ კარგად დაფიქრდეს შედეგების შესახებ, რაც მის უგუნურ ბრალდებებს მოჰყვება. 

ჯული ბიშოპმა განცხადება ჩრდილოეთ კორეის ბირთვული ამბიციების შესახებ გააკეთა, რომელიც მსოფლიოსთვის სერიოზულ საფრთხეს წარმოადგენს და  არ გამორიცხა ახალი სანქციების დაწესება.

დღესვე, ავსტრალიის საგარეო საქმეთა მინისტრმა  ჟურნალისტებთან კიდევ ერთხელ დაადასტურა თავისი განცხადება, რომ ჩრდილოეთ კორეა  "დიდ საფრთხეს უქმნის მეზობლებს" და  თუ მისი შეკავება არ მოხდა, საფრთხე უფრო მეტ რეგიონს, მათ შორის ავსტრალიასაც დაემუქრება.

"ჩრდილოეთ კორეის რეჟიმმა  ფული მასობრივი განადგურების იარაღის შექმნაში კი არ უნდა დახარჯოს, არამედ თავისი მრავალტანჯული ხალხის ცხოვრების პირობები უნდა გააუმჯობესოს", - დასძინა ბიშოპმა.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.93
  • 3.3
  • 0.04
  • 0.68
  • 1.46