ამერიკელმა მეცნიერებმა ჭარხალში სიცოცხლის ელექსირი აღმოაჩინეს

ოთხშაბათი, 19 აპრილი, 2017 - 18:48

უეიკ ფორესტის უნივერსიტეტის მეცნიერები ირწმუნებიან, რომ რეგულარული ფიზიკური აქტივობა ჭარხლის წვენთან ერთად,  ხანდაზმული ადამიანების  ტვინის მუშაობას აახალგაზრდავებს, - იტყობინება სამეცნიერო ჟურნალი Gerontology..

გარდა იმისა, რომ ჭარხლის წვენი შეიცავს ბევრ სასარგებლო ვიტამინებს, მინერალებსა და საკვებ ნივთიერებებს, მას ბუნებრივი "ელექსირის" თვისებებიც აღმოაჩნდა - ის ტვინს ჟანგბადის შიმშილისგან იცავს.

მეცნიერებმა  ექსპერიმენტი ჩაატარეს, რომელშიც 55 წლის ზემოთ 26 ქალი და მამაკაცი მონაწილეობდა. ორ ჯგუფად დაყოფილი მოხალისეები  ყოველდღიურად ერთსაათიანი სპორტით იყვნენ დაკავებულები. მათგან ერთი ჯგუფი კვირაში სამჯერ ჭარხლის წვენს ღებულობდა, მეორე ჯგუფი კი - მხოლოდ ჭარხლის არომატით გაჯერებულ წყალს.

 აღმოჩნდა, რომ ექსპერიმენტის მონაწილეებს, რომლებიც ჭარხლის წვენს სვავდნენ, იმ ნერვული უჯრედების გააქტიურება აღენიშნათ, რომლებიც პასუხისმგებელნი არიან  ხელებისა და ფეხების მოძრაობაზე. 6 კვირის განმავლობაში ნატურალური ჭარხლის წვენის მოხმარების შემდეგ აღმოჩნდა, რომ  მოხუცების  ტვინი ისე  მუშაობდა, როგორც ჯანმრთელ, 30-35 წლის ასაკის ადამიანებში.

ახლა მეცნიერები იმის დადგენას აპირებენ, თუ რამდენად სტაბილურია აღნიშნული ეფექტი.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.47
  • 2.97
  • 3.34
  • 0.04
  • 0.71
  • 1.46