„ქართულ ოცნებას“ დეოკუპაციის პოლიტიკა არ აქვს - თამარ კეკენაძე

სამშაბათი, 18 აპრილი, 2017 - 16:39

„თავისუფალი დემოკრატების“ გენერალური მდივანი თამარ კეკენაძე გმობს რუსეთის საგარეო საქმეთა მინისტრის სერგეი ლავროვის ოკუპირებულ აფხაზეთში ვიზიტს.

კეკენაძის  განმარტებით, "ლავროვის ვიზიტი რა თქმა უნდა არის რუსული ოკუპანტური პოლიტიკის ჩვეული გამოვლინება და ასევე, იმის ნათელი მაგალითი, რომ ქართული ოცნების ხელისუფლებას არ აქვს ქვეყნის დეოკუპაციის მკაფიო და ეფექტიანი ხედვა“.

თამარ კეკენაძის თქმით, „რუსეთის მხრიდან ასეთი პროვოკაციული ქმედებები არის მიზანმიმართული. ვიზალიბერალიზაციის კონტექსტში კიდევ უფრო აგრესიული გახდა.

"რუსეთის ქმედებები და ეს პროცესი გაგრძელდება იქამდე, სანამ საქართველოს საკითხი არ დაბრუნდება ჩვენი საერთაშორისო პარტნიორების რუსეთთან ურთიერთობის დღის წესრიგში. სამწუხაროდ, ბოლო წლებში ნათლად გამოჩნდა, რომ ბიძინა ივანიშვილის ხელისუფლებას, არც პოლიტიკური ნება და არც რესურსი არ აქვს გაატაროს სწორი საერთაშორისო პოლიტიკა ამ მიმართულებით. "თავისუფალ დემოკრატებს“ არ გვაქვს მოლოდინი, რომ ამ კუთხით არსებითი ცვლილების განხორციელება შესაძლებელია ,,ქართული ოცნების“ ხელისუფლებაში ყოფნის რეალობაში“, - აცხადებს თამარ კეკენაძე.

„თავისუფალი დემოკრატების“ გენერალური მდივნის განმარტებით, მნიშვნელოვანია, რომ ლავროვის ვიზიტს მოჰყვეს მყისიერი და მკაცრი რეაგირება ჩვენი საერთაშორისო პარტნიორებისგან და ამიტომ, კიდევ ერთხელ მოუწოდებს ხელისუფლებას, ახლა მაინც გააქტიუროს მუშაობა საერთაშორისო საზოგადოებასთან და უზრუნველყოს, რომ არცერთი მაღალი დონის შეხვედრა არ ჩატარდეს საქართველოს საკითხის დასმის გარეშე.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.54
  • 3.11
  • 3.52
  • 0.04
  • 0.67
  • 1.5