გულიკო ზუმბაძე „ბავშვთა სამყაროში“ მომხდარ ხანძარზე პასუხისმგებლობას ხელისუფლებას აკისრებს

სამშაბათი, 18 აპრილი, 2017 - 15:34

 სავაჭრო ცენტრ „ბავშვთა სამყაროში“ მომხდარ ხანძარზე თბილისის საკრებულოს ადამიანის უფლებათა დაცვის კომისიის თავმჯდომარე პასუხისმგებლობას ცენტრალურ ხელისუფლებას აკისრებს.

როგორც გულიკო ზუმბაძემ პორტალ „კვირას“ პრესკლუბში გამართულ პრესკონფერენციაზე განაცხადა, სამოქალაქო უსაფრთხოებასა და ხანძარსაწინააღმდეგო სისტემების მონიტორინგზე და ამ კუთხით პრევენციული ღონისძიებების გატარებაზე პასუხისმგებელი სწორედ ცენტრალური ხელისუფლებაა. ​

ზუმბაძის თქმით, მიუხედავად იმისა, რომ შინაგან საქმეთა სამინისტროში ჩამოყალიბებულია სააგენტო, რომელიც ამ მიმართულებით მუშაობს, მას მსგავსი პრობლემის პრევენციის მიმართულებით მუშაობა არ დაუწყია.

„ხანძრის შედეგად დაზარალებულებისთვის დახმარების გაწევა აუცილებელი იყო, მაგრამ, ჩემი აზრით, ძირითადი პასუხისმგებლობა ცენტრალური ხელისუფლების იყო. სწორედ ცენტრალურ ხელისუფლებას ეკისრება პრევენციული ღონისძიებების გატარება სამოქალაქო უსაფრთხოებაზე, ხანძარსაწინააღმდეგო სისტემების მონიტორინგზე . მიუხედავად იმისა, რომ შინაგან საქმეთა სამინისტროში ჩამოყალიბებულია სააგენტო, რომელიც ამ მიმართულებით მუშაობს, მას მსგავსი პრობლემის პრევენციის მიმართულებით მუშაობა არ დაუწყია. დედაქალაქში ხანძარსაწინააღმდეგო სისტემები გაუმართავია. გარდა პრევენციული ღონისძიებებისა, აუცილებლად მიმაჩნია, გამოძიებამ საზოგადოებას გამოძიების შედეგები და ხანძრის გაჩენის მიზეზები ამცნოს“, – განაცხადა გულიკო ზუმბაძემ. ​

რაც შეეხება კომპენსაციას, საკრებულოს დეპუტატის განცხადებით, დაზარალებულებისთვის დახმარების სახით გაცემული 3 ათასი ლარი იყო ყველაზე ოპტიმალური თანხა, რომელიც შეიძლებოდა ბიუჯეტიდან გამოყოფილიყო.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.03
  • 3.43
  • 0.04
  • 0.65
  • 1.45