ელისო კილაძე და ალეკო ელისაშვილი თუ არ უარყოფენ ცილისმწამებლურ განცხადებებს, ეკა ბესელია სხვა მექანიზმებს მიმართავს

ხუთშაბათი, 13 აპრილი, 2017 - 15:42

თბილისის საქალაქო სასამართლოს მიერ მიღებულ ორ გადაწყვეტილებას იურიდიულ საკითხთა კომიტეტის თავმჯდომარე ეკა ბესელია დღევანდელ ბრიფინგზე გამოეხმაურა.

სასამართლოს გადაწყვეტილებების თანახმად, ალექსანდრე ელისაშვილს და ელისო კილაძეს დაევალათ ეკა ბესელიას შესახებ ცილისმწამებლური განცხადებების უარყოფა ტელეკომპანია „რუსთავი 2-ის“ გადაცემა „არჩევანის“ ეთერით და ასევე, დაეკისრათ ეკა ბესელია სასარგებლოდ მორალური ზიანის ანაზღაურება.

ეკა ბესელიას შეფასებით, ორივე გადაწყვეტილება ძალიან მნიშვნელოვანი პრეცედენტული გადაწყვეტილებაა ქვეყანაში ადამიანის პატივისა და ღირსების დაცვის კუთხით სტანდარტების დამკვიდრების თვალსაზრისით.

„სასამართლომ ორივე შემთხვევაში მიიღო სრულიად სამართლიანი, მიუკერძოებელი და ობიექტური გადაწყვეტილება. ეს იყო ცნობილი, გახმაურებული საქმე, რომლის დროსაც მიზანმიმართულად, წინასწარ დაგეგმილი, ძალიან კარგად გააზრებული განზრახვით, ცილისმწამებლური განცხადებებით ხელყოფილი იქნა ჩემი და ქალბატონ მანანა კობახიძის პატივი და ღირსება. მე როგორც პოლიტიკოსს, რომელსაც მაქვს მაღალი თმენის ვალდებულება, ჩავთვალე, რომ ეს იყო ის დაუშვებელი ზღვარი, რომელიც ცდება გამოხატვის თავისუფლებას, თმენის ვალდებულებას და პირდაპირ შეიცავდა ისეთ ფაქტებს, რომელიც აშკარად ხელყოფდა ადამიანის პატივსა და ღირსებას“, - აღნიშნა იურიდიულ საკითხთა კომიტეტის თავმჯდომარემ.

ეკა ბესელიას განცხადებით, სასამართლომ ამ გადაწყვეტილებებში პირდაპირ დაავალა ალექსანდრე ელისაშვილს და ელისო კილაძეს, რომ იმავე ეთერში, გადაცემა „არჩევანში“ გადაწყვეტილებების კანონიერ ძალაში შესვლის შემდეგ, უარყონ თავისივე განცხადებები.

„მათ დაეკისრათ ფინანსური ჯარიმა, მაგრამ ეს არ არის არსებითი. ეს თანხა ავტომატურად გადაირიცხება მზრუნველობამოკლებულ ბავშვთა ფონდში“,- აღნიშნა იურიდიულ საკითხთა კომიტეტის თავმჯდომარემ.

მისივე თქმით, გამოძიებით არც ერთი ფაქტი და არც ერთი ინფორმაცია, რომელსაც ალექსანდრე ელისაშვილი და ელისო კილაძე აცხადებდნენ, არ დადასტურდა.

„ორივე გადაწყვეტილებით დადასტურდა, რომ ორივე გახლავთ ცილისმწამებელი. ამ თემაზე ნებისმიერი სპეკულაცია და ნებსიმიერი კითხვები უნდა დასრულდეს. გასაჩივრების შემთხვევაში, რამდენი დროც არ უნდა დამჭირდეს, იმდენი ხნის განმავლობაში გაგრძელდება ჩვენი მოქმედებები. ჩემი ღირსებისთვის ძალიან ღირებულია და სასიცოცხლოდ მნიშვნელოვანია ასეთი ფაქიზი ფაქტებით არავის ჰქონდეს მანიპულაციის უფლება. საქმე ეხებოდა პატიმრების თემას. ეს არის ჩემთვის ძალიან მნიშვნელოვანი და პრინციპული საკითხი“, - აღნიშნა ეკა ბესელიამ.

იურიდიულ საკითხთა კომიტეტის თავმჯდომარის თქმით, იგი არ აპირებს პროცესის შეწყვეტას გადაწყვეტილებების აღსრულებამდე.

„თუ ისინი არ უარყოფენ ცილისმწამებლურ განცხადებებს „რუსთავი 2-ის“ ეთერში, „სისხლის სამართლის კოდექსში“ არსებობს ასეთი მუხლი - სასამართლოს გადაწყვეტილების შეუსრულებლობა. მე ყველა ეტაპს გავივლი და რა თქმა უნდა, შემდეგ ამ მექანიზმსაც მივმართავ“,- განაცხადა იურიდიულ საკითხთა კომიტეტის თავმჯდომარემ.

იურიდიულ საკითხთა კომიტეტის თავმჯდომარის, ეკა ბესელიას ბრიფინგში მონაწილეობდა ადვოკატი გიგა კვერენჩხილაძე, რომელიც წარმოადგენდა ეკა ბესელიას ინტერესებს სასამართლოში ორივე საქმეზე.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.54
  • 3.11
  • 3.52
  • 0.04
  • 0.67
  • 1.5