მერამდენედ უნდა გადაიყაროს გადასახადების გადამხდელების ფული - რა ხდება საზმაუში

სამშაბათი, 11 აპრილი, 2017 - 15:23

საქართველოს მედიის პროფესიული კავშირის თავმჯდომარე და საზოგადოებრივი მაუწყებლის ჟურნალისტი ლაშა მესხი საზოგადოებრივ მაუწყებელში  ახალი ტენდერის გამოცხადებას ეხმიანება და აცხადებს, რომ საბიუჯეტო სახსრების ეკონომიის ნაცვლად,  იანვრის შემდეგ სახელმწიფო ბიუჯეტის თანხების ხარჯვა თითქმის ყოველდღიურად იზრდება.

"მერამდენედ უნდა გადაიყაროს გადასახადების გადამხდელების ფული „პროექტირების მენეჯმენტში?“ საზოგადოებრივი მაუწყებელი 80 000-ლარიან ტენდერს აცხადებს, იმისთვის რაშიც წინა მენეჯმენტმა ფული უკვე გადაიხადა. ეს არის „განახლებული“ ნიუსრუმის „პროექტირების მენეჯმენტი“. მოკლედ რომ ავხსნათ, „ულტრა თანამედროვე ნიუსრუმი“, რომელიც ზოოპარკსა და ტელევიზიას შორის მინი სტადიონზე უნდა აშენებულიყო, სავარაუდოდ, აღარ შენდება და საქმე გვაქვს კიდევ ახალ „პროექტირების მენეჯმენტთან“.

რა ხდება საზოგადოებრივ მაუწყებელში? რატომ აქვს ყველაფერს იმ შეცდომების ელფერი, რის გამოც კოჰაბიტირებული მენეჯმენტი (ნაწილობრივ საკუთარ თავს), ნაწილობრივ - წინა მენეჯმენტს აკრიტიკებდა?.. დარწმუნებული ვარ, დენსა და გაზს რომ ვინმე გიძვირებდეთ, უფრო მეტად უკმაყოფილო იქნებოდით, ამ შენობაში კი წლებია თქვენი ფული „პროექტირების მენეჯმენტირდება“. არ დაგვავიწყდეს, რომ ეს ყველაფერი ხდება იმ მენეჯმენტის პირობებში, რომელიც თითქოსდა „საბიუჯეტო სახსრების ეკონომიისთვის“ გადაცემებს ერთიანად ხურავდა და „მასიურად“ აპირებდა ხალხის დათხოვნას", - აცხადებს  ლაშა მესხი "ჯეონიუსთან".

მსგავსი სიახლეები

სოციალური ქსელი

ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე იმედია, არ დადასტურდება არაოფიციალური ინფორმაცია - ნანუკა ჟორჟოლიანი მთავრობას მიმართავს გაიღვიძეთ რა!!! რამ დაგადუმად, რამ დაგაგლახავად ასე! იმოქმედეთ რა!!! - გია მაისაშვილი მაშინ როდესაც ბარბარეს სიცოცხლე ქვევრში ჩაკალით?! აბა, გაბედეთ და იმ ქვევრს ახადეთ თავსახური... - სულა სულაშვილი

გამოკითხვა

ვალუტა

  • 2.68
  • 3.15
  • 3.61
  • 0.05
  • 0.7
  • 1.58