დავით საგანელიძემ, შვილებთან ერთად, ლისის ტბაზე უნიკალური ჯიშის ფიჭვის ნერგები დარგო

, 09 აპრილი, 2017 - 15:55

საპარტნიორო ფონდის აღმასრულებელმა დირექტორმა დავით საგანელიძემ უნიკალური ჯიშის ფიჭვის ნერგები ლისი დეველოპმენტის ტერიტორიაზე მდებარე რეზო გელაშვილის სახელობის პარკში შვილებთან ერთად დარგო.

ფიჭვის ნერგები დავით საგანელიძემ თბილისს საჩუქრად რაჭაში მდებარე საკუთარი ეზოდან გადასცა. უნიკალური ჯიშის 5000-მდე ფიჭვის ნერგიდან ნაწილი თბილისის ზღვაზე სასტუმრო „ჰუალინგის“ მიმდებარე ტერიტორიაზე უკვე დაირგო და მას რაჭის ხეივანი“ დაერქვა. ხეების დარგვის პროცესი ეტაპობრივად გაგრძელდება.

მომღერალ რეზო გელაშვილის სახელობის პარკში ხეების დარგვის პროცესში მონაწილეობა გარემოსა და ბუნებრივი რესურსების დაცვის მინისტრმა გიგლა აგულაშვილმა, „თი-ბი- სი ბანკის“ სამეთვალყურეო საბჭოს თავმჯდომარემ მამუკა ხაზარაძე და ლისი დეველოპმენტის გენერალურმა დირექტორმა ნოდარ ადეიშვილიმა მიიღეს.

„მესამე წელია გრძელდება ეს ტრადიცია. ჩემი ეზოდან გადმომაქვს ნერგები და ამ აქციით ვცდილობ მეც ჩემს შვილებთან ერთად მცირეოდენი წვლილი შევიტანო თბილისის ეკოლოგიური მდგომარეობის გაუმჯობესებასა და ზოგადად თბილისის გარშემო რეკრეაციული ზონის გაფართოვებაში,“ - აღნიშნა დავით საგანელიძემ.

წელს, დავით საგანელიძემ თბილისს 5000- მდე უნიკალური ჯიშის ფიჭვის ნერგი აჩუქა, რომლის ნაწილიც უკვე დაირგა თბილისის ზღვაზე სასტუმრო „ჰუალინგის“ მიმდებარე ტერიტორიაზე. თბილისის ზღვაზე ნერგების დარგვის ღონისძიებაში მონაწილეობა საპარტნიორო ფონდის თანამშრომლების გარდა, ასევე გარემოსა და ბუნებრივი რესურსების დაცვის მინისტრმა გიგლა აგულაშვილმა, თბილისის მერმა დავით ნარმანიამ, საკრებულოს თავმჯდომარემ გიორგი ალიბეგაშვილმა და ჰუალინგ ჯგუფის“ წარმომადგენლებმა მიიღეს. 

საპარტნიორო ფონდის აღმასრულებელი დირექტორი უკვე მესამე წელია საკუთარი ეზოდან უნიკალური ჯიშის ფიჭვის ნერგებს თბილისის შემოგარენში რგავს.

„გაამწვანე შენი ქალაქი“ აქციას ტრადიციას საფუძველი კომპანია „ჰუალინგის“ პრეზიდენტისა და ჩინეთის სახალხო რესპუბლიკის საგანგებო და სრულუფლებიანი ელჩის რაჭაში სტუმრობის დროს ჩაეყარა. თბილისის ზღვაზე „ჰუალინგის“ მიმდებარე ტერიტორიაზე ათი ათასობით უნიკალური ჯიშის ნერგი უკვე დაირგა.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5